ﺣﻀﺮﺕ ﯾﻮﻧﺲ ﻋﻠﯿﮧ ﺍﻟﺴّﻼﻡ

ﺣﻀﺮﺕ ﯾﻮﻧﺲ ﻋﻠﯿﮧ ﺍﻟﺴّﻼﻡ ﺩﺟﻠﮧ ﮐﮯ ﺑﺎﺋﯿﮟ ﮐﻨﺎﺭﮮ ﭘﺮ ﺍٓﺑﺎﺩ ﻋﺮﺍﻗﯽ ﺷﮩﺮ ’’ ﻣﻮﺻﻞ ‘‘ ﻣﯿﮟ ﭘﯿﺪﺍ ﮨﻮﺋﮯ۔ ﺍٓﭖؑ،ﺣﻀﺮﺕ ﮬﻮﺩؑ ﮐﯽ ﺍﻭﻻﺩ ﻣﯿﮟ ﺳﮯ ﺗﮭﮯ۔ ﻣﻮﺻﻞ ﮐﮯ ﻣﻘﺎﺑﻞ ’’ ﻧﯿﻨﻮﺍ ‘‘ ﺷﮩﺮ ﺗﮭﺎ، ﺟﻮ ﺍُﺱ ﺯﻣﺎﻧﮯ ﻣﯿﮟ ﺍﭘﻨﮯ ﻋﺮﻭﺝ ﭘﺮ ﺗﮭﺎ ﺍﻭﺭ ﻭﮨﺎﮞ ﻗﻮﻡِ ﺛﻤﻮﺩ ﺍٓﺑﺎﺩ ﺗﮭﯽ۔ ﻧﯿﻨﻮﺍ ﮐﯽ ﺍٓﺑﺎﺩﯼ ﺍﯾﮏ ﻻﮐﮫ ﺳﮯ ﺯﯾﺎﺩﮦ ﺗﮭﯽ۔ ﺟﯿﺴﺎ ﮐﮧ ﻗﺮﺍٓﻥِ ﭘﺎﮎ ﻣﯿﮟ ﮨﮯ ’’ ﺍﻭﺭ ﺍُﻥ ‏( ﯾﻮﻧﺲؑ ‏) ﮐﻮ ﻻﮐﮫ ﯾﺎ ﺍﺱ ﺳﮯ ﺯﯾﺎﺩﮦ ﻟﻮﮔﻮﮞ ﮐﯽ ﻃﺮﻑ ﭘﯿﻐﻤﺒﺮ ﺑﻨﺎ ﮐﺮ ﺑﮭﯿﺠﺎ۔ )‘‘ ﺳﻮﺭۃ ﺍﻟﺼﺎﻓﺎﺕ 147 ‏) ﺣﻀﺮﺕ ﯾﻮﻧﺲؑ ﮐﯽ ﻋُﻤﺮ 28 ﺳﺎﻝ ﺗﮭﯽ، ﺟﺐ ﺍﻟﻠﮧ ﺗﻌﺎﻟﯽٰ ﻧﮯ ﺍُﻧﮭﯿﮟ ﺍﮨﻞِ ﻧﯿﻨﻮﺍ ﮐﯽ ﺭُﺷﺪ ﻭ ﮨﺪﺍﯾﺖ ﭘﺮ ﻣﺎﻣﻮﺭ ﻓﺮﻣﺎﯾﺎ۔ ﻣﻔﺴّﺮﯾﻦ ﮐﮯ ﻣﻄﺎﺑﻖ، ﺣﻀﺮﺕ ﯾﻮﻧﺲؑ ﮐﺎ ﻋﮩﺪ 781 ﺗﺎ 741 ﻗﺒﻞِ ﻣﺴﯿﺢ ﮨﮯ۔ ﺍٓﭖؑ ﮐﺎ ﻗﺮﺍٓﻥِ ﮐﺮﯾﻢ ﮐﯽ ﭼﮭﮯ ﺳﻮﺭﮦٔ ﻣﺒﺎﺭﮐﮧ ﻣﯿﮟ ﺫﮐﺮ ﺍٓﯾﺎ ﮨﮯ۔ ﺳﻮﺭۃ ﺍﻟﻨﺴﺎﺀ، ﺳﻮﺭﮦٔ ﺍﻧﻌﺎﻡ، ﺳﻮﺭﮦٔ ﯾﻮﻧﺲ، ﺳﻮﺭﮦٔ ﺍﻟﺼٰﻔٰﺖ، ﺳﻮﺭۃ ﺍﻻﻧﺒﯿﺎﺀ ﺍﻭﺭ ﺳﻮﺭۃ ﺍﻟﻘﻠﻢ ، ﺍِﻥ ﻣﯿﮟ ﭘﮩﻠﯽ ﭼﺎﺭ ﺳﻮﺭﮦٔ ﻣﺒﺎﺭﮐﮧ ﻣﯿﮟ ﺣﻀﺮﺕ ﯾﻮﻧﺲؑ ﮐﺎ ﻧﺎﻡ ﺍﻭﺭ ﺑﺎﻗﯽ ﺩﻭ ﻣﯿﮟ ’’ ﺫﻭﺍﻟﻨّﻮﻥ ‘‘ ﺍﻭﺭ ’’ ﺻﺎﺣﺐ ﺍﻟﺤﻮﺕ ‘‘ ﯾﻌﻨﯽ ’’ ﻣﭽﮭﻠﯽ ﻭﺍﻻ ‘‘ ﮐﮩﮧ ﮐﺮ ﺫﮐﺮ ﮐﯿﺎ ﮔﯿﺎ ﮨﮯ۔ ﻧﻮﻥ، ﺑﮍﯼ ﻣﭽﮭﻠﯽ ﮐﻮ ﮐﮩﺘﮯ ﮨﯿﮟ، ﭼﻮﮞ ﮐﮧ ﺍٓﭖؑ ﮐﺌﯽ ﺩﻥ ﺍﯾﮏ ﻣﭽﮭﻠﯽ ﮐﮯ ﭘﯿﭧ ﻣﯿﮟ ﺭﮨﮯ، ﺍﺱ ﻟﯿﮯ ’’ ﻣﭽﮭﻠﯽ ﻭﺍﻻ ‘‘ ﮐﮩﺎ ﮔﯿﺎ۔ ﻗﺮﺍٓﻥِ ﮐﺮﯾﻢ ﮐﯽ ﺩﺳﻮﯾﮟ ﺳﻮﺭﺕ، ﺍٓﭖؑ ﮐﮯ ﻧﺎﻡ ﭘﺮ ﮨﮯ۔
ﺣﻀﺮﺕ ﯾﻮﻧﺲ ﻋﻠﯿﮧ ﺍﻟﺴّﻼﻡ ﮐﺎ ﻭﺍﻗﻌﮧ
ﺣﻀﺮﺕ ﯾﻮﻧﺲؑ ﺍﯾﮏ ﻋﺮﺻﮯ ﺗﮏ ﻧﯿﻨﻮﺍ ﮐﮯ ﻟﻮﮔﻮﮞ ﮐﻮ ﺗﻮﺣﯿﺪ ﮐﯽ ﺩﻋﻮﺕ ﺍﻭﺭ ﺑُﺖ ﭘﺮﺳﺘﯽ ﺳﮯ ﺭﻭﮐﺘﮯ ﺭﮨﮯ، ﻣﮕﺮ ﻗﻮﻡ ﻧﮯ ﺍُﻥ ﮐﯽ ﺩﻋﻮﺕ ﻗﺒﻮﻝ ﮐﺮﻧﮯ ﺳﮯ ﺻﺎﻑ ﺍﻧﮑﺎﺭ ﮐﺮﺩﯾﺎ۔ ﺻﺮﻑ ﯾﮩﯽ ﻧﮩﯿﮟ، ﻏﺮﻭﺭ ﻭ ﺗﮑﺒّﺮ ﻣﯿﮟ ﻣﺒﺘﻼ ﻗﻮﻡ ﺩﯾﮕﺮ ﻧﺎﻓﺮﻣﺎﻥ ﺍﻗﻮﺍﻡ ﮐﯽ ﻃﺮﺡ ﺍٓﭖؑ ﮐﯽ ﺩﻋﻮﺕ ﮐﺎ ﻣﺬﺍﻕ ﺑﮭﯽ ﺍُﮌﺍﺗﯽ ﺭﮨﯽ۔ ﺟﺐ ﺍُﻥ ﮐﯽ ﺳﺮﮐﺸﯽ ﺍﻭﺭ ﻧﺎﻓﺮﻣﺎﻧﯽ ﺍﻧﺘﮩﺎ ﮐﻮ ﭘﮩﻨﭻ ﮔﺌﯽ، ﺗﻮ ﺍﻟﻠﮧ ﺗﻌﺎﻟﯽٰ ﻧﮯ ﺣﻀﺮﺕ ﯾﻮﻧﺲ ﻋﻠﯿﮧ ﺍﻟﺴّﻼﻡ ﮐﻮ ﺣﮑﻢ ﺩﯾﺎ ﮐﮧ ﻟﻮﮔﻮﮞ ﮐﻮ ﺍٓﮔﺎﮦ ﮐﺮﺩﻭ ﮐﮧ ﺗﯿﻦ ﺩﻥ ﮐﮯ ﺍﻧﺪﺭ ﺍﻧﺪﺭ ﺍُﻥ ﭘﺮ ﻋﺬﺍﺏ ﺍٓﻧﮯ ﻭﺍﻻ ﮨﮯ۔ ﺍٓﭖؑ ﻧﮯ ﻗﻮﻡ ﻣﯿﮟ ﺍﺱ ﮐﺎ ﺍﻋﻼﻥ ﮐﺮﺩﯾﺎ۔ ﯾﮧ ﺳُﻦ ﮐﺮ ﻗﻮﻡِ ﯾﻮﻧﺲؑ ﻧﮯ ﺍٓﭘﺲ ﻣﯿﮟ ﻣﺸﻮﺭﮦ ﮐﯿﺎ، ﺗﻮ ﺍﺱ ﺑﺎﺕ ﭘﺮ ﺍُﻥ ﺳﺐ ﮐﺎ ﺍﺗﻔﺎﻕ ﮨﻮﺍ ﮐﮧ ’’ ﯾﻮﻧﺲ ﻋﻠﯿﮧ ﺍﻟﺴّﻼﻡ ﮐﻮ ﮐﺒﮭﯽ ﺟﮭﻮﭦ ﺑﻮﻟﺘﮯ ﻧﮩﯿﮟ ﺩﯾﮑﮭﺎ ﮔﯿﺎ،ﻟﮩٰﺬﺍ ﺍُﻥ ﮐﯽ ﺑﺎﺕ ﻧﻈﺮﺍﻧﺪﺍﺯ ﻧﮩﯿﮟ ﮐﺮﻧﯽ ﭼﺎﮨﯿﮯ۔ ‘‘ ﻣﺸﻮﺭﮮ ﻣﯿﮟ ﯾﮧ ﺑﮭﯽ ﻃﮯ ﮨﻮﺍ ﮐﮧ ﺩﯾﮑﮭﺎ ﺟﺎﺋﮯ ﮐﮧ ﺍﮔﺮ ﯾﻮﻧﺲ ﻋﻠﯿﮧ ﺍﻟﺴّﻼﻡ ﺭﺍﺕ ﺑﺴﺘﯽ ﮐﮯ ﺍﻧﺪﺭ ﺍﭘﻨﮯ ﮔﮭﺮ ﻣﯿﮟ ﻣﻘﯿﻢ ﺭﮨﺘﮯ ﮨﯿﮟ، ﺗﻮ ﺳﻤﺠﮫ ﻟﻮ ﮐﮧ ﮐﭽﮫ ﻧﮩﯿﮟ ﮨﻮﮔﺎ ﺍﻭﺭ ﺍﮔﺮ ﻭﮦ ﯾﮩﺎﮞ ﺳﮯ ﮐﮩﯿﮟ ﺍﻭﺭ ﭼﻠﮯ ﺟﺎﺗﮯ ﮨﯿﮟ، ﺗﻮ ﯾﻘﯿﻦ ﮐﺮﻟﻮ ﮐﮧ ﺻﺒﺢ ﻋﺬﺍﺏ ﺿﺮﻭﺭ ﺍٓﺋﮯ ﮔﺎ۔ ﻗﺼّﮧ ﻣﺨﺘﺼﺮ، ﺣﻀﺮﺕ ﯾﻮﻧﺲؑ ﺭﺍﺕ ﮐﻮ ﺍُﺱ ﺑﺴﺘﯽ ﺳﮯ ﻧﮑﻞ ﮔﺌﮯ۔ ﺻﺒﺢ ﮨﻮﺋﯽ، ﺗﻮ ﻋﺬﺍﺏِ ﺍﻟٰﮩﯽ ﺍﯾﮏ ﺳﯿﺎﮦ ﺩﮬﻮﯾﮟ ﺍﻭﺭ ﺑﺎﺩﻝ ﮐﯽ ﺷﮑﻞ ﻣﯿﮟ ﺑﺴﺘﯽ ﻭﺍﻟﻮﮞ ﮐﮯ ﺳَﺮﻭﮞ ﭘﺮ ﻣﻨﮉﻻﻧﮯ ﻟﮕﺎ، ﺟﺐ ﻭﮦ ﺍُﻥ ﮐﮯ ﻗﺮﯾﺐ ﮨﻮﻧﮯ ﻟﮕﺎ، ﺗﻮ ﻟﻮﮔﻮﮞ ﮐﻮ ﯾﻘﯿﻦ ﮨﻮﮔﯿﺎ ﮐﮧ ﺍﺏ ﻭﮦ ﺳﺐ ﮨﻼﮎ ﮨﻮﻧﮯ ﻭﺍﻟﮯ ﮨﯿﮟ۔ ﯾﮧ ﺩﯾﮑﮫ ﮐﺮ ﺣﻀﺮﺕ ﯾﻮﻧﺲؑ ﮐﻮ ﺗﻼﺵ ﮐﯿﺎ ﮔﯿﺎ ﮐﮧ ﺍُﻥ ﮐﮯ ﮨﺎﺗﮫ ﭘﺮ ﺍﯾﻤﺎﻥ ﻟﮯ ﺍٓﺋﯿﮟ ﺍﻭﺭ ﺗﻮﺑﮧ ﮐﺮﻟﯿﮟ، ﻣﮕﺮ ﺍٓﭖؑ ﮐﻮ ﻧﮧ ﭘﺎﯾﺎ، ﺗﻮ ﺧﻮﺩ ﮨﯽ ﺍﺧﻼﺹِ ﻧﯿّﺖ ﮐﮯ ﺳﺎﺗﮫ ﺗﻮﺑﮧ ﻭ ﺍﺳﺘﻐﻔﺎﺭ ﻣﯿﮟ ﻟﮓ ﮔﺌﮯ ﺍﻭﺭ ﺍﭘﻨﮯ ﮔﮭﺮﻭﮞ ﺳﮯ ﺍﯾﮏ ﻣﯿﺪﺍﻥ ﻣﯿﮟ ﻧﮑﻞ ﺍٓﺋﮯ۔ ﻋﻮﺭﺗﯿﮟ، ﺑﭽّﮯ ﺍﻭﺭ ﺟﺎﻧﻮﺭ ﺳﺐ ﺍُﺱ ﻣﯿﺪﺍﻥ ﻣﯿﮟ ﺟﻤﻊ ﮐﺮﺩﯾﺌﮯ ﮔﺌﮯ۔ﺗﻤﺎﻡ ﺑﺴﺘﯽ ﻭﺍﻟﮯ ﭨﺎﭦ ﮐﮯ ﮐﭙﮍﮮ ﭘﮩﻦ ﮐﺮ ﻋﺠﺰ ﻭ ﺍﻧﮑﺴﺎﺭﯼ ﮐﮯ ﺳﺎﺗﮫ ﺗﻮﺑﮧ ﮐﺮﻧﮯ ﺍﻭﺭ ﻋﺬﺍﺏ ﺳﮯ ﭘﻨﺎﮦ ﻣﺎﻧﮕﻨﮯ ﻣﯿﮟ ﺍﺱ ﻃﺮﺡ ﻣﺸﻐﻮﻝ ﮨﻮﺋﮯ ﮐﮧ ﭘﻮﺭﺍ ﻣﯿﺪﺍﻥ ﺍٓﮦ ﻭ ﺑﮑﺎ ﺳﮯ ﮔﻮﻧﺠﻨﮯ ﻟﮕﺎ۔ ﺍﻟﻠﮧ ﺗﻌﺎﻟﯽٰ ﻧﮯ ﺍُﻥ ﮐﯽ ﺗﻮﺑﮧ ﻗﺒﻮﻝ ﻓﺮﻣﺎ ﻟﯽ ﺍﻭﺭ ﻋﺬﺍﺏ ﺍُﻥ ﺳﮯ ﮨﭩﺎ ﺩﯾﺎ۔ ﺭﻭﺍﯾﺖ ﻣﯿﮟ ﮨﮯ ﮐﮧ ﯾﮧ ﻋﺎﺷﻮﺭﮦ ﯾﻌﻨﯽ ﺩﺳﻮﯾﮟ ﻣﺤﺮّﻡ ﮐﺎ ﺩﻥ ﺗﮭﺎ۔ ﺍُﺩﮬﺮ ﺣﻀﺮﺕ ﯾﻮﻧﺲؑ ﺑﺴﺘﯽ ﺳﮯ ﺑﺎﮨﺮ ﺍﺱ ﺍﻧﺘﻈﺎﺭ ﻣﯿﮟ ﺗﮭﮯ ﮐﮧ ﺍﺏ ﺍﺱ ﻗﻮﻡ ﭘﺮ ﻋﺬﺍﺏ ﻧﺎﺯﻝ ﮨﻮﮔﺎ۔ ﺍُﻥ ﮐﮯ ﺗﻮﺑﮧ ﻭ ﺍﺳﺘﻐﻔﺎﺭ ﮐﺎ ﺣﺎﻝ ﺍُﻧﮭﯿﮟ ﻣﻌﻠﻮﻡ ﻧﮧ ﺗﮭﺎ۔ ﺟﺐ ﻋﺬﺍﺏ ﭨﻞ ﮔﯿﺎ، ﺗﻮ ﺍُﻧﮭﯿﮟ ﻓﮑﺮ ﮨﻮﺋﯽ ﮐﮧ ’’ ﺍﺏ ﺗﻮ ﻗﻮﻡ ﻣﺠﮭﮯ ﺟﮭﻮﭨﺎ ﻗﺮﺍﺭ ﺩﮮ ﺩﮮ ﮔﯽ، ﮐﯿﻮﮞ ﮐﮧ ﻣَﯿﮟ ﻧﮯ ﺍﻋﻼﻥ ﮐﯿﺎ ﺗﮭﺎ ﮐﮧ ﺗﯿﻦ ﺩﻥ ﮐﮯ ﺍﻧﺪﺭ ﻋﺬﺍﺏ ﺍٓﺟﺎﺋﮯ ﮔﺎ۔ ‘‘ ﺍُﺱ ﻗﻮﻡ ﮐﺎ ﻗﺎﻧﻮﻥ ﺗﮭﺎ ﮐﮧ ﺟﺲ ﺷﺨﺺ ﮐﺎ ﺟﮭﻮﭦ ﻣﻌﻠﻮﻡ ﮨﻮ ﺍﻭﺭ ﻭﮦ ﺍﭘﻨﮯ ﮐﻼﻡ ﭘﺮ ﮐﻮﺋﯽ ﺷﮩﺎﺩﺕ ﭘﯿﺶ ﻧﮧ ﮐﺮﺳﮑﮯ، ﺗﻮ ﺍُﺳﮯ ﻗﺘﻞ ﮐﺮﺩﯾﺎ ﺟﺎﺗﺎ، ﺗﻮ ﯾﻮﻧﺲ ﻋﻠﯿﮧ ﺍﻟﺴّﻼﻡ ﮐﻮ ﻓﮑﺮ ﮨﻮﺋﯽ ﮐﮧ ﺍُﻧﮭﯿﮟ ﺑﮭﯽ ﺟﮭﻮﭨﺎ ﻗﺮﺍﺭ ﺩﮮ ﮐﺮ ﻗﺘﻞ ﮐﺮﺩﯾﺎ ﺟﺎﺋﮯ ﮔﺎ۔ ﺍﺱ ﺭﻧﺞ ﻭ ﻏﻢ ﺍﻭﺭ ﭘﺮﯾﺸﺎﻧﯽ ﮐﮯ ﻋﺎﻟﻢ ﻣﯿﮟ ﺍﺱ ﺷﮩﺮ ﺳﮯ ﻧﮑﻞ ﺟﺎﻧﮯ ﮐﺎ ﺍﺭﺍﺩﮦ ﮐﺮﮐﮯ ﭼﻞ ﺩﯾﺌﮯ، ﯾﮩﺎﮞ ﺗﮏ ﮐﮧ ﺑﺤﯿﺮﮦٔ ﺭﻭﻡ ﮐﮯ ﮐﻨﺎﺭﮮ ﭘﮩﻨﭻ ﮔﺌﮯ۔ ﻭﮨﺎﮞ ﺍﯾﮏ ﮐﺸﺘﯽ ﺩﯾﮑﮭﯽ، ﺟﺲ ﻣﯿﮟ ﻟﻮﮒ ﺳﻮﺍﺭ ﺗﮭﮯ۔ ﺍٓﭖؑ ﮐﻮ ﺍُﻥ ﻟﻮﮔﻮﮞ ﻧﮯ ﭘﮩﭽﺎﻥ ﻟﯿﺎ ﺍﻭﺭ ﮐﺮﺍﺋﮯ ﮐﮯ ﺑﻐﯿﺮ ﺳﻮﺍﺭ ﮐﺮﻟﯿﺎ۔ ﮐﺸﺘﯽ ﺭﻭﺍﻧﮧ ﮨﻮﮐﺮ ﺟﺐ ﻭﺳﻂ ﻣﯿﮟ ﭘﮩﻨﭽﯽ، ﺗﻮ ﺩﻓﻌﺘﺎً ﭨﮭﮩﺮ ﮔﺌﯽ،ﺍٓﮔﮯ ﺑﮍﮬﺘﯽ ﮨﮯ ﺍﻭﺭ ﻧﮧ ﭘﯿﭽﮭﮯ۔ ﮐﺸﺘﯽ ﻭﺍﻟﻮﮞ ﻧﮯ ﻣﻨﺎﺩﯼ ﮐﯽ ﮐﮧ ﮨﻤﺎﺭﯼ ﺍﺱ ﮐﺸﺘﯽ ﻣﯿﮟ ﮐﻮﺋﯽ ﻇﺎﻟﻢ، ﮔﻨﺎﮦ ﮔﺎﺭ ﯾﺎ ﺑﮭﺎﮔﺎ ﮨﻮﺍ ﻏﻼﻡ ﺳﻮﺍﺭ ﮨﻮﺟﺎﺗﺎ ﮨﮯ، ﺗﻮ ﯾﮧ ﮐﺸﺘﯽ ﺧﻮﺩ ﺑﮧ ﺧﻮﺩ ﺭُﮎ ﺟﺎﺗﯽ ﮨﮯ۔ ﺍﯾﺴﮯ ﺍٓﺩﻣﯽ ﮐﻮ ﭼﺎﮨﯿﮯ ﮐﮧ ﺧﻮﺩ ﮐﻮ ﻇﺎﮨﺮ ﮐﺮﺩﮮ ﺗﺎﮐﮧ ﺍُﺱ ﮐﯽ ﻭﺟﮧ ﺳﮯ ﺳﺐ ﭘﺮ ﻣﺼﯿﺒﺖ ﻧﮧ ﺍٓﺋﮯ۔ ﺍﺱ ﭘﺮ ﺣﻀﺮﺕ ﯾﻮﻧﺲؑ ﺑﻮﻝ ﺍﭨﮭﮯ ﮐﮧ ’’ ﻭﮦ ﺑﮭﺎﮔﺎ ﮨﻮﺍ ﻏﻼﻡ، ﮔﻨﺎﮦ ﮔﺎﺭ ﻣَﯿﮟ ﮨﯽ ﮨﻮﮞ۔ ‘‘ ﮐﯿﻮﮞ ﮐﮧ ﺍﭘﻨﮯ ﺷﮩﺮ ﺳﮯ ﻧﮑﻞ ﮐﺮ ﮐﺸﺘﯽ ﻣﯿﮟ ﺳﻮﺍﺭ ﮨﻮﻧﺎ ﺍﯾﮏ ﻃﺒﻌﯽ ﺧﻮﻑ ﮐﯽ ﻭﺟﮧ ﺳﮯ ﺗﮭﺎ، ﺑﺎﺫﻥِ ﺍﻟﮩﯽٰ ﻧﮧ ﺗﮭﺎ ﺍﻭﺭ ﺍﻟﻠﮧ ﺗﻌﺎﻟﯽٰ ﮐﮯ ﺣﮑﻢ ﮐﮯ ﺑﻐﯿﺮ ﯾﻮﮞ ﭼﻠﮯ ﺍٓﻧﮯ ﮐﻮ ﺣﻀﺮﺕ ﯾﻮﻧﺲؑ ﮐﯽ ﭘﯿﻐﻤﺒﺮﺍﻧﮧ ﺷﺎﻥ ﻧﮯ ﺍﯾﮏ ﮔﻨﺎﮦ ﻗﺮﺍﺭ ﺩﯾﺎ ﮐﮧ ﭘﯿﻐﻤﺒﺮ ﮐﯽ ﮐﻮﺋﯽ ﻧﻘﻞ ﻭ ﺣﺮﮐﺖ ﺑﻼ ﺍﺫﻥِ ﺍﻟٰﮩﯽ ﻧﮩﯿﮟ ﮨﻮﻧﯽ ﭼﺎﮨﯿﮯ ﺗﮭﯽ۔ﺑﮩﺮﺣﺎﻝ، ﺍٓﭖؑ ﻧﮯ ﻓﺮﻣﺎﯾﺎ ﮐﮧ ’’ ﻣﺠﮭﮯ ﺩﺭﯾﺎ ﻣﯿﮟ ﮈﺍﻝ ﺩﻭ، ﺗﻮ ﺗﻢ ﺳﺐ ﺍﺱ ﻋﺬﺍﺏ ﺳﮯ ﺑﭻ ﺟﺎﺋﻮ ﮔﮯ ‘‘ ، ﻣﮕﺮ ﮐﺸﺘﯽ ﻭﺍﻟﮯ ﺍﺱ ﭘﺮ ﺗﯿﺎﺭ ﻧﮧ ﮨﻮﺋﮯ، ﺑﻠﮑﮧ ﺍُﻧﮩﻮﮞ ﻧﮯ ﻗﺮﻋﮧ ﺍﻧﺪﺍﺯﯼ ﮐﯽ ﺗﺎﮐﮧ ﺟﺲ ﮐﺎ ﻧﺎﻡ ﻧﮑﻠﮯ، ﺍُﺳﮯ ﺩﺭﯾﺎ ﻣﯿﮟ ﮈﺍﻻ ﺟﺎﺋﮯ، ﻟﯿﮑﻦ ﻗﺮﻋﮧ ﺍﻧﺪﺍﺯﯼ ﻣﯿﮟ ﺑﮭﯽ ﺍٓﭖؑ ﮨﯽ ﮐﺎ ﻧﺎﻡ ﻧﮑﻞ ﺍٓﯾﺎ۔ ﻟﻮﮔﻮﮞ ﮐﻮ ﺍﺱ ﭘﺮ ﺗﻌﺠّﺐ ﮨﻮﺍ، ﺗﻮ ﮐﺌﯽ ﻣﺮﺗﺒﮧ ﻗﺮﻋﮧ ﺍﻧﺪﺍﺯﯼ ﮐﯽ ﮔﺌﯽ ﺍﻭﺭ ﮨﺮ ﻣﺮﺗﺒﮧ ﺍٓﭖؑ ﮨﯽ ﮐﺎ ﻧﺎﻡ ﺍٓﺗﺎ ﺭﮨﺎ۔ ﻗﺮﺍٓﻥِ ﮐﺮﯾﻢ ﮐﯽ ﺳﻮﺭۃ ﺍﻟﺼﺎﻓﺎﺕ ﮐﯽ ﺍٓﯾﺖ ﻧﻤﺒﺮ 141 ﻣﯿﮟ ﺍﺱ ﻗﺮﻋﮧ ﺍﻧﺪﺍﺯﯼ ﺍﻭﺭ ﺣﻀﺮﺕ ﯾﻮﻧﺲ ﻋﻠﯿﮧ ﺍﻟﺴّﻼﻡ ﮐﺎ ﻧﺎﻡ ﻧﮑﻠﻨﮯ ﮐﺎ ﺫﮐﺮ ﻣﻮﺟﻮﺩ ﮨﮯ۔
ﺍﯾﮏ ﻃﺮﻑ ﻗﺮﻋﮧ ﺍﻧﺪﺍﺯﯼ ﻣﯿﮟ ﻧﺎﻡ ﻧﮑﻠﻨﮯ ﭘﺮ ﺍٓﭖؑ ﮐﻮ ﺩﺭﯾﺎ ﻣﯿﮟ ﮈﺍﻟﮯ ﺟﺎﻧﮯ ﮐﺎ ﺳﺎﻣﺎﻥ ﮨﻮﺭﮨﺎ ﺗﮭﺎ، ﺩﻭﺳﺮﯼ ﻃﺮﻑ، ﺍﯾﮏ ﺑﮩﺖ ﺑﮍﯼ ﻣﭽﮭﻠﯽ ﺍﻟﻠﮧ ﺗﻌﺎﻟﯽٰ ﮐﮯ ﺣﮑﻢ ﭘﺮ ﮐﺸﺘﯽ ﮐﮯ ﻗﺮﯾﺐ ﻣﻨﮧ ﮐﮭﻮﻟﮯ ﻣﻮﺟﻮﺩ ﺗﮭﯽ ﮐﮧ ﺍٓﭖؑ ﮐﻮ ﺍﭘﻨﮯ ﭘﯿﭧ ﻣﯿﮟ ﺟﮕﮧ ﺩﮮ۔ ﺣﻀﺮﺕ ﯾﻮﻧﺲ ﻋﻠﯿﮧ ﺍﻟﺴّﻼﻡ ﺟﯿﺴﮯ ﮨﯽ ﭘﺎﻧﯽ ﻣﯿﮟ ﮔﺌﮯ، ﻣﭽﮭﻠﯽ ﻧﮯ ﻓﻮﺭﺍً ﺍُﻧﮭﯿﮟ ﺍﭘﻨﮯ ﭘﯿﭧ ﻣﯿﮟ ﻟﮯ ﻟﯿﺎ۔ ﺣﻀﺮﺕ ﻋﺒﺪﺍﻟﻠﮧ ﺑﻦ ﻣﺴﻌﻮﺩؓ ﻧﮯ ﻓﺮﻣﺎﯾﺎ ﮐﮧ ’’ ﺣﻀﺮﺕ ﯾﻮﻧﺲ ﻋﻠﯿﮧ ﺍﻟﺴّﻼﻡ ﺍُﺱ ﻣﭽﮭﻠﯽ ﮐﮯ ﭘﯿﭧ ﻣﯿﮟ ﭼﺎﻟﯿﺲ ﺭﻭﺯ ﺭﮨﮯ۔ ﯾﮧ ﺍُﻧﮭﯿﮟ ﺯﻣﯿﻦ ﮐﯽ ﺗﮩﮧ ﺗﮏ ﻟﮯ ﺟﺎﺗﯽ ﺍﻭﺭ ﺩُﻭﺭ ﺩﺭﺍﺯ ﮐﯽ ﻣﺴﺎﻓﺘﻮﮞ ﻣﯿﮟ ﭘِﮭﺮﺍﺗﯽ ﺭﮨﯽ۔ ‘‘ ﺑﻌﺾ ﺍﻓﺮﺍﺩ ﻧﮯ ﺳﺎﺕ، ﺑﻌﺾ ﻧﮯ ﭘﺎﻧﭻ ﺩﻥ ﺍﻭﺭ ﮐﺌﯽ ﺍﯾﮏ ﻧﮯ ﻣﭽﮭﻠﯽ ﮐﮯ ﭘﯿﭧ ﻣﯿﮟ ﺭﮨﻨﮯ ﮐﯽ ﻣﺪّﺕ ﭼﻨﺪ ﮔﮭﻨﭩﮯ ﻟﮑﮭﯽ ﮨﮯ۔ ‏( ﻣﻈﮩﺮﯼ ‏) ﺣﻘﯿﻘﺖِ ﺣﺎﻝ ﺗﻮ ﺍﻟﻠﮧ ﺗﻌﺎﻟﯽٰ ﮨﯽ ﮐﻮ ﻣﻌﻠﻮﻡ ﮨﮯ۔ ﺍﺱ ﺣﺎﻟﺖ ﻣﯿﮟ ﺣﻀﺮﺕ ﯾﻮﻧﺲؑ ﻧﮯ ﺩُﻋﺎ ﮐﯽ ’’ ﻻﺍِﻟٰﮧ ﺍِﻟّﺎ ﺍَﻧﺖَ ﺳُﺒﺤﺎﻧﮏَ ﺍِﻧّﯽ ﮐُﻨﺖُ ﻣِﻦَ ﺍﻟﻈّﺎﻟِﻤﯿﻦ ‘‘ ﺗﻮ ﺍﻟﻠﮧ ﺗﻌﺎﻟﯽٰ ﻧﮯ ﺩُﻋﺎ ﻗﺒﻮﻝ ﻓﺮﻣﺎﺋﯽ ﺍﻭﺭ ﻣﭽﮭﻠﯽ ﻧﮯ ﺍٓﭖؑ ﮐﻮ ﺑﺎﻟﮑﻞ ﺻﺤﯿﺢ ﺳﺎﻟﻢ ﺣﺎﻟﺖ ﻣﯿﮟ ﮐﻨﺎﺭﮮ ﭘﺮ ﮈﺍﻝ ﺩﯾﺎ۔ﻣﭽﮭﻠﯽ ﮐﮯ ﭘﯿﭧ ﮐﯽ ﮔﺮﻣﯽ ﺳﮯ ﺍُﻥ ﮐﮯ ﺑﺪﻥ ﭘﺮ ﮐﻮﺋﯽ ﺑﺎﻝ ﻧﮧ ﺭﮨﺎ ﺗﮭﺎ۔ ﺍﻟﻠﮧ ﺗﻌﺎﻟﯽٰ ﻧﮯ ﺍُﻥ ﮐﮯ ﻗﺮﯾﺐ ﺍﯾﮏ ﺩﺭﺧﺖ ﺍُﮔﺎ ﺩﯾﺎ، ﺟﺲ ﮐﮯ ﭘﺘّﻮﮞ ﮐﺎ ﺳﺎﯾﮧ ﺍٓﭖؑ ﮐﮯ ﻟﯿﮯ ﺭﺍﺣﺖ ﮐﺎ ﺳﺒﺐ ﺑﻦ ﮔﯿﺎ۔ﻧﯿﺰ، ﺍﯾﮏ ﺟﻨﮕﻠﯽ ﺑﮑﺮﯼ ﺍﻟﻠﮧ ﺗﻌﺎﻟﯽٰ ﮐﮯ ﺣﮑﻢ ﺳﮯ ﺻﺒﺢ، ﺷﺎﻡ ﺍٓﭖؑ ﮐﮯ ﭘﺎﺱ ﺍٓﮐﮭﮍﯼ ﮨﻮﺗﯽ ﺍﻭﺭ ﺍٓﭖؑ ﺍُﺱ ﮐﺎ ﺩﻭﺩﮪ ﭘﯽ ﻟﯿﺘﮯ۔ ﺍﺱ ﻗﺼّﮯ ﮐﮯ ﺟﺘﻨﮯ ﺍﺟﺰﺍﺀ ﻗﺮﺍٓﻥِ ﭘﺎﮎ ﻣﯿﮟ ﻣﺬﮐﻮﺭ ﮨﯿﮟ ﯾﺎ ﺍﺣﺎﺩﯾﺚِ ﻣﺒﺎﺭﮐﮧؐ ﺳﮯ ﺛﺎﺑﺖ ﮨﯿﮟ، ﻭﮦ ﺗﻮ ﯾﻘﯿﻨﯽ ﮨﯿﮟ، ﺑﺎﻗﯽ ﺍﺟﺰﺍﺀ ﻣﺤﺾ ﺗﺎﺭﯾﺨﯽ ﺭﻭﺍﯾﺎﺕ ﭘﺮ ﻣﺸﺘﻤﻞ ﮨﯿﮟ، ﺟﻦ ﭘﺮ ﮐﺴﯽ ﺷﺮﻋﯽ ﻣﺴﺌﻠﮯ ﮐﺎ ﻣﺪﺍﺭ ﻧﮩﯿﮟ ﺭﮐﮭﺎ ﺟﺎﺳﮑﺘﺎ۔ ‏( ﻣﻌﺎﺭﻑ ﺍﻟﻘﺮﺍٓﻥ، ﺝ 4 ﺹ 515 )
ﺳﻤﻨﺪﺭﯼ ﺟﺎﻧﻮﺭﻭﮞ ﮐﯽ ﺗﺴﺒﯿﺢ
ﺣﻀﺮﺕ ﺍﺑﻮ ﮨﺮﯾﺮﮦؓ ﺳﮯ ﻣﻨﻘﻮﻝ ﮨﮯ ﮐﮧ ﺭﺳﻮﻝ ﺍﮐﺮﻡ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎ ’’ ﺟﺐ ﺍﻟﻠﮧ ﺗﻌﺎﻟﯽٰ ﻧﮯ ﺣﻀﺮﺕ ﯾﻮﻧﺲؑ ﮐﻮ ﻣﭽﮭﻠﯽ ﮐﮯ ﭘﯿﭧ ﻣﯿﮟ ﻗﯿﺪ ﮐﺮﻧﮯ ﮐﺎ ﺍﺭﺍﺩﮦ ﻓﺮﻣﺎﯾﺎ، ﺗﻮ ﻣﭽﮭﻠﯽ ﮐﻮ ﺣﮑﻢ ﺩﯾﺎ ’’ ﺍِﻥ ﮐﻮ ﻟﮯ ﻟﻮ، ﻟﯿﮑﻦ ﺍِﻥ ﮐﮯ ﮔﻮﺷﺖ ﭘﺮ ﺗﯿﺮﺍ ﺗﺼﺮّﻑ ﻧﮩﯿﮟ، ﮐﯿﻮﮞ ﮐﮧ ﯾﮧ ﺗﯿﺮﯼ ﻏﺬﺍ ﻧﮩﯿﮟ ﮨﯿﮟ۔ ‘‘ ﺟﺐ ﻣﭽﮭﻠﯽ ﺍٓﭖؑ ﮐﻮ ﻟﮯ ﮐﺮ ﺳﻤﻨﺪﺭ ﮐﯽ ﺍﻧﺘﮩﺎﺋﯽ ﻧﭽﻠﯽ ﺳﻄﺢ ﻣﯿﮟ ﭘﮩﻨﭽﯽ، ﺗﻮ ﺍٓﭖؑ ﻧﮯ ﮐﭽﮫ ﺍٓﮨﭩﯿﮟ ﺳُﻨﯿﮟ، ﺍﺱ ﭘﺮ ﺍﻟﻠﮧ ﺗﻌﺎﻟﯽٰ ﻧﮯ ﻭﺣﯽ ﻓﺮﻣﺎﺋﯽ ’’ ﯾﮧ ﺳﻤﻨﺪﺭﯼ ﺟﺎﻧﻮﺭﻭﮞ ﮐﯽ ﺗﺴﺒﯿﺢ ﮨﮯ، ‘‘ ﺍﺱ ﻣﻮﻗﻌﮯ ﭘﺮ ﺣﻀﺮﺕ ﯾﻮﻧﺲؑ ﻧﮯ ﺑﮭﯽ ﺗﺴﺒﯿﺢ ﮐﯽ۔ﺟﺐ ﻓﺮﺷﺘﻮﮞ ﻧﮯ ﺍٓﭖؑ ﮐﯽ ﺗﺴﺒﯿﺢ ﺳُﻨﯽ، ﺗﻮ ﺑﺎﺭﮔﺎﮦِ ﺧﺪﺍﻭﻧﺪﯼ ﻣﯿﮟ ﻋﺮﺽ ﮐﺮﻧﮯ ﻟﮕﮯ ’’ ﺍﮮ ﮨﻤﺎﺭﮮ ﭘﺮﻭﺭﺩﮔﺎﺭ ! ﮨﻢ ﺍﯾﮏ ﻧﺤﯿﻒ ﺍﻭﺭ ﮐﻢ ﺯﻭﺭ ﺳﯽ ﺍٓﻭﺍﺯ ﮐﺴﯽ ﺍﺟﻨﺒﯽ ﺯﻣﯿﻦ ﺳﮯ ﺳُﻦ ﺭﮨﮯ ﮨﯿﮟ۔ ‘‘ ﺍﻟﻠﮧ ﺗﻌﺎﻟﯽٰ ﻧﮯ ﻓﺮﻣﺎﯾﺎ ’’ ﯾﮧ ﻣﯿﺮﺍ ﺑﻨﺪﮦ ﯾﻮﻧﺲؑ ﮨﮯ۔ ‘‘ ﻓﺮﺷﺘﻮﮞ ﻧﮯ ﻋﺮﺽ ﮐﯿﺎ ’’ ﻭﮦ ﺗﻮ ﻧﯿﮏ ﺑﻨﺪﮮ ﮨﯿﮟ ﺍﻭﺭ ﺍُﻥ ﮐﯽ ﻃﺮﻑ ﺳﮯ ﮨﺮ ﺷﺐ ﻭ ﺭﻭﺯ ﺍٓﭖ ﮐﮯ ﭘﺎﺱ ﻧﯿﮏ ﻋﻤﻞ ﭘﮩﻨﭽﺘﺎ ﮨﮯ۔ ‘‘ ﺍﻟﻠﮧ ﺗﻌﺎﻟﯽٰ ﻧﮯ ﻓﺮﻣﺎﯾﺎ ’’ ﮨﺎﮞ ! ﯾﮧ ﻣﯿﺮﯼ ﺑﮩﺖ ﺍﭼﮭﯽ ﺗﺴﺒﯿﺢ ﮐﺮﺗﮯ ﮨﯿﮟ۔ ‘‘ ﭘﮭﺮ ﻓﺮﺷﺘﻮﮞ ﻧﮯ ﺍﻟﻠﮧ ﺗﻌﺎﻟﯽٰ ﮐﮯ ﺣﻀﻮﺭ ﺣﻀﺮﺕ ﯾﻮﻧﺲؑ ﮐﯽ ﺳﻔﺎﺭﺵ ﮐﯽ، ﺗﻮ ﺍﻟﻠﮧ ﺗﻌﺎﻟﯽٰ ﻧﮯ ﻣﭽﮭﻠﯽ ﮐﻮ ﺣﮑﻢ ﺩﯾﺎ ﺍﻭﺭ ﺍُﺱ ﻧﮯ ﺍٓﭖؑ ﮐﻮ ﺳﻤﻨﺪﺭ ﮐﮯ ﮐﻨﺎﺭﮮ ﮈﺍﻝ ﺩﯾﺎ۔ ‘‘ ‏( ﻗﺼﺺ ﺍﻻﻧﺒﯿﺎﺀ، ﺍﺑﻦِ ﮐﺜﯿﺮ )
ﻗﺮﺍٓﻥِ ﮐﺮﯾﻢ ﻣﯿﮟ ﺍﺭﺷﺎﺩِ ﺑﺎﺭﯼ ﺗﻌﺎﻟﯽٰ ﮨﮯ ﮐﮧ ’’ ﭘﮭﺮ ﮨﻢ ﻧﮯ ﺍُﻥ ﮐﻮ، ﺟﺐ ﮐﮧ ﻭﮦ ﺑﯿﻤﺎﺭ ﺗﮭﮯ، ﻓﺮﺍﺥ ﻣﯿﺪﺍﻥ ﻣﯿﮟ ﮈﺍﻝ ﺩﯾﺎ ﺍﻭﺭ ﺍُﻥ ﭘﺮ ﺍﯾﮏ ﺑﯿﻞ ﺩﺍﺭ ﺩﺭﺧﺖ ﺍُﮔﺎ ﺩﯾﺎ۔ )‘‘ ﺳﻮﺭۃ ﺍﻟﺼﺎﻓﺎﺕ 145,146 ‏) ﺍٓﭖؑ ﮐﺎ ﺑﺪﻥ ﻣﭽﮭﻠﯽ ﮐﮯ ﭘﯿﭧ ﻣﯿﮟ ﺭﮨﻨﮯ ﺳﮯ ﺍﻧﺘﮩﺎﺋﯽ ﻻﻏﺮ ﺍﻭﺭ ﮐﻢ ﺯﻭﺭ ﮨﻮﭼُﮑﺎ ﺗﮭﺎ۔ ﺍﺑﻦِ ﻣﺴﻌﻮﺩؓ ﻓﺮﻣﺎﺗﮯ ﮨﯿﮟ ﮐﮧ ’’ ﺍٓﭖؑ ﺍﯾﺴﮯ ﮨﻮﮔﺌﮯ ﺗﮭﮯ، ﺟﯿﺴﮯ ﭼﻮﺯﮦ، ﺟﺲ ﭘﺮ ﺍﺑﮭﯽ ﭘَﺮ ﺑﮭﯽ ﻧﮧ ﺍٓﺋﮯ ﮨﻮﮞ۔ ‘‘ ﺍﺑﻦِ ﻋﺒّﺎﺱؓ ﺍﻭﺭ ﺯﯾﺪؓ ﻓﺮﻣﺎﺗﮯ ﮨﯿﮟ ﮐﮧ ’’ ﺟﺐ ﺑﭽّﮧ ﭘﯿﺪﺍ ﮨﻮﺗﺎ ﮨﮯ، ﺍُﺱ ﻭﻗﺖ ﮐﮯ ﺑﭽّﮯ ﮐﯽ ﻃﺮﺡ ﺍٓﭖؑ ﮐﯽ ﺣﺎﻟﺖ ﺗﮭﯽ ﺍﻭﺭ ﺑﺎﻟﮑﻞ ﺩُﮬﻨﯽ ﮨﻮﺋﯽ ﺭﻭﺋﯽ ﮐﯽ ﻃﺮﺡ ﻧﺮﻡ ﻭ ﻧﺎﺯﮎ ﺗﮭﮯ ﺍﻭﺭ ﺑﺪﻥ ﭘﺮ ﮐﭽﮫ ﻧﮧ ﺗﮭﺎ۔ ‘‘ ﺭﻭﺍﯾﺖ ﻣﯿﮟ ﮨﮯ ﮐﮧ ﺟﺐ ﺍٓﭖؑ ﻣﭽﮭﻠﯽ ﮐﮯ ﭘﯿﭧ ﻣﯿﮟ ﭨﮭﮩﺮ ﮔﺌﮯ، ﺗﻮ ﮔﻤﺎﻥ ﮐﯿﺎ ﮐﮧ ﺷﺎﯾﺪ ﻭﻓﺎﺕ ﭘﺎ ﮔﺌﮯ ﮨﯿﮟ،ﺍﺱ ﭘﺮ ﺍٓﭖؑ ﻧﮯ ﺍﭘﻨﮯ ﺍﻋﻀﺎﺀ ﮐﻮ ﺟﻨﺒﺶ ﺩﯼ، ﺗﻮ ﺍُﻥ ﻣﯿﮟ ﺣﺮﮐﺖ ﮨﻮﺋﯽ، ﺗﻮ ﻓﻮﺭﺍً ﺳﺠﺪﮦ ﺭﯾﺰ ﮨﻮﮔﺌﮯ ﺍﻭﺭ ﺑﺎﺭﮔﺎﮦِ ﺭﺏّ ﺍﻟﻌﺰّﺕ ﻣﯿﮟ ﻋﺮﺽ ﮐﯿﺎ ’’ ﺍﮮ ﭘﺮﻭﺭﺩﮔﺎﺭ ! ﻣَﯿﮟ ﺗﯿﺮﮮ ﻟﯿﮯ ﺍﯾﺴﯽ ﺟﮕﮧ ﻣﺴﺠﺪ‏( ﺳﺠﺪﮦ ﮔﺎﮦ ‏) ﺑﻨﺎﺗﺎ ﮨﻮﮞ، ﺟﮩﺎﮞ ﮐﺴﯽ ﺩﻭﺳﺮﮮ ﻧﮯ ﺗﯿﺮﯼ ﻋﺒﺎﺩﺕ ﻧﮧ ﮐﯽ ﮨﻮﮔﯽ۔ ‘‘
ﺍﻟﻠﮧ ﮐﯽ ﺗﺴﺒﯿﺢ ﮐﯽ ﺑﺮﮐﺎﺕ
ﻗﺮﺍٓﻥِ ﭘﺎﮎ ﻣﯿﮟ ﺍﻟﻠﮧ ﺗﻌﺎﻟﯽٰ ﮐﺎ ﺍﺭﺷﺎﺩ ﮨﮯ ’’ ﭘﮭﺮ ﺍﮔﺮ ﻭﮦ ‏( ﺍﻟﻠﮧ ﮐﯽ ‏) ﭘﺎﮐﯽ ﺑﯿﺎﻥ ﻧﮧ ﮐﺮﺗﮯ، ﺗﻮ ﻟﻮﮔﻮﮞ ﮐﮯ ﺍﭨﮭﺎﺋﮯ ﺟﺎﻧﮯ ﮐﮯ ﺩﻥ ﺗﮏ، ﺍُﺱ ﮐﮯ ‏( ﻣﭽﮭﻠﯽ ﮐﮯ ‏) ﭘﯿﭧ ﮨﯽ ﻣﯿﮟ ﺭﮨﺘﮯ۔ ‘‘ ‏( ﺳﻮﺭۃ ﺍﻟﺼﺎﻓﺎﺕ 144:143 ‏) ﺗﻔﺴﯿﺮ ﺍﺑﻦِ ﺟﺮﯾﺮ ﻣﯿﮟ ﺣﻀﺮﺕ ﺳﻌﺪ ﺑﻦ ﻣﺎﻟﮏؓ ﺳﮯ ﻣﺮﻭﯼ ﮨﮯ ﮐﮧ ﺍُﻧﮭﻮﮞ ﻧﮯ ﻧﺒﯽ ﺍﮐﺮﻡ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﻮ ﻓﺮﻣﺎﺗﮯ ﮨﻮﺋﮯ ﺳُﻨﺎ ’’ ﺍﻟﻠﮧ ﮐﻮ ﺍﺱ ﻧﺎﻡ ﺳﮯ ﭘﮑﺎﺭﺍ ﺟﺎﺋﮯ، ﺗﻮ ﺩُﻋﺎ ﻗﺒﻮﻝ ﮨﻮﺗﯽ ﮨﮯ ﺍﻭﺭ ﺟﻮ ﻣﺎﻧﮕﺎ ﺟﺎﺋﮯ، ﺍﻟﻠﮧ ﻋﻄﺎ ﻓﺮﻣﺎﺗﮯ ﮨﯿﮟ۔ ‘‘ ﯾﻌﻨﯽ ﺣﻀﺮﺕ ﯾﻮﻧﺲؑ ﮐﯽ ﺩُﻋﺎ ﮐﮯ ﺳﺎﺗﮫ۔ ﺭﺍﻭﯼ ﮐﮩﺘﮯ ﮨﯿﮟ ﮐﮧ ﻣَﯿﮟ ﻧﮯ ﺍﺳﺘﻔﺴﺎﺭ ﮐﯿﺎ ’’ ﯾﺎﺭﺳﻮﻝ ﺍﻟﻠﮧؐ ! ﯾﮧ ﺣﻀﺮﺕ ﯾﻮﻧﺲؑ ﮐﮯ ﻟﯿﮯ ﺧﺎﺹ ﮨﮯ ﯾﺎ ﺗﻤﺎﻡ ﻣﺴﻠﻤﺎﻧﻮﮞ ﮐﮯ ﻟﯿﮯ ﮨﮯ؟ ‘‘ ﺍٓﭖﷺ ﻧﮯﻓﺮﻣﺎﯾﺎ ’’ ﯾﮧ ﺣﻀﺮﺕ ﯾﻮﻧﺲؑ ﮐﮯ ﻟﯿﮯ ﺧﺎﺹ ﮨﮯ ﺍﻭﺭ ﻣﻮﻣﻨﯿﻦ ﮐﮯ ﻟﯿﮯ ﻋﺎﻡ، ﺟﺐ ﺑﮭﯽ ﻭﮦ ﺍﺱ ﮐﮯ ﺳﺎﺗﮫ ﺩُﻋﺎ ﮐﺮﯾﮟ۔ ﮐﯿﺎ ﺗﻢ ﻧﮯ ﺍﻟﻠﮧ ﮐﮯ ﻓﺮﻣﺎﻥ ﮐﻮ ﻧﮩﯿﮟ ﺳُﻨﺎ؟ ‘‘ ’’ ﭘﮭﺮ ‏( ﯾﻮﻧﺲؑ ﻧﮯ ﺍﭘﻨﮯ ﺭﺏّ ﮐﻮ ‏) ﺗﺎﺭﯾﮑﯿﻮﮞ ﻣﯿﮟ ﭘﮑﺎﺭﺍ ’’ ﻻﺍِﻟٰﮧ ﺍِﻻ ﺍَﻧﺖ ﺳُﺒﺤﺎﻧﮏَ ﺍِﻧّﯽ ﮐُﻨﺖ ﻣِﻦ ﺍﻟﻈّﺎﻟِﻤﯿﻦ ‘‘ ‏( ﺗﯿﺮﮮ ﺳﻮﺍ ﮐﻮﺋﯽ ﻣﻌﺒﻮﺩ ﻧﮩﯿﮟ، ﺗُﻮ ﭘﺎﮎ ﮨﮯ۔ ﺑﮯ ﺷﮏ ﻣَﯿﮟ ﮨﯽ ﻗﺼﻮﺭﻭﺍﺭ ﮨﻮﮞ ‏) ، ﺗﻮ ﮨﻢ ﻧﮯ ﺍُﺱ ﮐﯽ ﺩُﻋﺎ ﻗﺒﻮﻝ ﮐﯽ ﺍﻭﺭ ﺍﺱ ﮐﻮ ﻏﻢ ﺳﮯ ﻧﺠﺎﺕ ﺩﯼ ﺍﻭﺭ ﮨﻢ ﻣﻮﻣﻨﯿﻦ ﮐﻮ ﺍﺱ ﻃﺮﺡ ﻧﺠﺎﺕ ﺩﯾﺘﮯ ﮨﯿﮟ۔ ‘‘ ‏( ﺳﻮﺭۃ ﺍﻻﻧﺒﯿﺎﺀ 88,87 ‏) ﺣﻀﺮﺕ ﺳﻌﺪؓ ﺳﮯ ﻣﺮﻭﯼ ﮨﮯ ﮐﮧ ﺭﺳﻮﻝ ﺍﮐﺮﻡ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎ ’’ ﺟﺲ ﻧﮯ ﺣﻀﺮﺕ ﯾﻮﻧﺲؑ ﮐﯽ ﺩُﻋﺎ ﮐﮯ ﺳﺎﺗﮫ ﺩُﻋﺎ ﮐﯽ، ﺍُﺱ ﮐﯽ ﺩُﻋﺎ ﺿﺮﻭﺭ ﻗﺒﻮﻝ ﮨﻮﮔﯽ۔ ‘‘ ‏( ﺍﺑﻦِ ﮐﺜﯿﺮ )
ﺗﻮﺑﮧ ﮐﺎ ﺩﺭﻭﺍﺯﮦ ﺑﻨﺪ ﻧﮩﯿﮟ ﮨﻮﺗﺎ
ﭘﭽﮭﻠﯽ ﺍﻗﻮﺍﻡ ﻣﯿﮟ ﻗﻮﻡِ ﯾﻮﻧﺲؑ ﮐﯽ ﻣﺜﺎﻝ ﺳﺐ ﺳﮯ ﻣﻨﻔﺮﺩ ﮨﮯ ﮐﮧ ﺟﺲ ﻧﮯ ﻋﺬﺍﺏ ﮐﮯ ﻭﻗﻮﻉ ﮨﻮﻧﮯ ﺳﮯ ﭘﮩﻠﮯ ﮨﯽ ﺻﺪﻕِ ﺩﻝ ﮐﮯ ﺳﺎﺗﮫ ﻋﺎﺟﺰﯼ ﻭ ﺍٓﮦ ﻭﺯﺍﺭﯼ ﮐﺮﺗﮯ ﮨﻮﺋﮯ ﺗﻮﺑﮧ ﺍﺳﺘﻐﻔﺎﺭ ﮐﯿﺎ ﺍﻭﺭ ﺍﻟﻠﮧ ﺗﻌﺎﻟﯽٰ ﻧﮯ ﺍُﺱ ﻗﻮﻡ ﺳﮯ ﺍﭘﻨﺎ ﻋﺬﺍﺏ ﮨﭩﺎ ﺩﯾﺎ، ﺟﺐ ﮐﮧ ﻗﻮﻡِ ﻧﻮﺡؑ، ﻗﻮﻡِ ﮬﻮﺩؑ، ﻗﻮﻡِ ﺻﺎﻟﺢ ؑﺍﻭﺭ ﻗﻮﻡِ ﻟﻮﻁؑ ﻭﻏﯿﺮﮦ ﻋﺬﺍﺏ ﺳﮯ ﮈﺭﺍﻧﮯ ﺍﻭﺭ ﺑﺎﺭ ﺑﺎﺭ ﺗﻨﺒﯿﮧ ﮐﮯ ﺑﺎﻭﺟﻮﺩ ﺷﺮﮎ ﻭ ﮐﻔﺮ ﭘﺮ ﮈﮬﭩﺎﺋﯽ ﺳﮯ ﺟﻤﯽ ﺭﮨﯿﮟ ﺍﻭﺭ ﻋﺬﺍﺏ ﮐﯽ ﺑﺎﺕ ﮐﻮ ﻣﺬﺍﻕ ﺳﻤﺠﮭﺘﯽ ﺭﮨﯿﮟ، ﭼﻨﺎﮞ ﭼﮧ ﻋﺬﺍﺏِ ﺍﻟﮩٰﯽ ﮐﺎ ﺷﮑﺎﺭ ﮨﻮﮐﺮ ﮨﻤﯿﺸﮧ ﮐﮯ ﻟﯿﮯ ﻧﯿﺴﺖ ﻭ ﻧﺎﺑﻮﺩ ﮨﻮﮔﺌﯿﮟ۔ﻗﺮﺍٓﻥِ ﮐﺮﯾﻢ ﻣﯿﮟ ﺍﻟﻠﮧ ﺗﻌﺎﻟﯽٰ ﺍﺭﺷﺎﺩ ﻓﺮﻣﺎﺗﮯ ﮨﯿﮟ ’’ ﭘﺲ، ﮐﻮﺋﯽ ﺑﺴﺘﯽ ﺍﯾﺴﯽ ﮐﯿﻮﮞ ﻧﮧ ﮨﻮﺋﯽ ﮐﮧ ﺍﯾﻤﺎﻥ ﻻﺗﯽ، ﺗﻮ ﺍُﺱ ﮐﺎ ﺍﯾﻤﺎﻥ ﺍُﺳﮯ ﻧﻔﻊ ﺩﯾﺘﺎ؟ ﺳﻮﺍﺋﮯ ﯾﻮﻧﺲؑ ﮐﯽ ﻗﻮﻡ ﮐﮯ۔ ﺟﺐ ﻭﮦ ﺍﯾﻤﺎﻥ ﻻﺋﯽ، ﺗﻮ ﮨﻢ ﻧﮯ ﺩﻧﯿﻮﯼ ﺯﻧﺪﮔﯽ ﻣﯿﮟ ﺍُﻥ ﺳﮯ ﺭﺳﻮﺍﺋﯽ ﮐﺎ ﻋﺬﺍﺏ ﺩُﻭﺭ ﮐﺮﺩﯾﺎ ﺍﻭﺭ ﺍﯾﮏ ﻣﺪّﺕ ﺗﮏ ﺍُﻥ ﮐﻮ ‏( ﺩﻧﯿﻮﯼ ﻓﻮﺍﺋﺪ ﺳﮯ ‏) ﺑﮩﺮﮦ ﻣﻨﺪ ﺭﮐﮭﺎ۔ ‘‘ ‏( ﺳﻮﺭﮦٔ ﯾﻮﺳﻒ 98 ‏) ﺍﺱ ﺗﻔﺴﯿﺮ ﮐﺎ ﺣﺎﺻﻞ ﯾﮧ ﮨﮯ ﮐﮧ ﺩﻧﯿﺎ ﮐﺎ ﻋﺬﺍﺏ ﺳﺎﻣﻨﮯ ﺍٓﺟﺎﻧﮯ ﭘﺮ ﺑﮭﯽ ﺗﻮﺑﮧ ﮐﺎ ﺩﺭﻭﺍﺯﮦ ﺑﻨﺪ ﻧﮩﯿﮟ ﮨﻮﺗﺎ، ﺑﻠﮑﮧ ﺗﻮﺑﮧ ﻗﺒﻮﻝ ﮨﻮﺳﮑﺘﯽ ﮨﮯ ﺍﻟﺒﺘﮧ ﺍٓﺧﺮﺕ ﮐﺎ ﻋﺬﺍﺏ ﺳﺎﻣﻨﮯ ﺍٓﺟﺎﻧﮯ ﮐﮯ ﻭﻗﺖ ﺗﻮﺑﮧ ﻗﺒﻮﻝ ﻧﮩﯿﮟ ﮨﻮﺗﯽ ﺍﻭﺭ ﻋﺬﺍﺏِ ﺍٓﺧﺮﺕ ﮐﺎ ﺳﺎﻣﻨﮯ ﺍٓﻧﺎ ،ﻗﯿﺎﻣﺖ ﮐﮯ ﺩﻥ ﮨﻮﮔﺎ ﯾﺎ ﻣﻮﺕ ﮐﮯ ﻭﻗﺖ۔ ‏( ﻣﻌﺎﺭﻑ ﺍﻟﻘﺮﺍٓﻥ ‏) ﺟﺎﻣﻊ ﺗﺮﻣﺬﯼ ﮐﯽ ﺣﺪﯾﺚ ﮨﮯ ﮐﮧ ’’ ﺣﻀﻮﺭ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎ ’’ ﺍﻟﻠﮧ ﺗﻌﺎﻟﯽٰ ﺑﻨﺪﮮ ﮐﯽ ﺗﻮﺑﮧ ﻗﺒﻮﻝ ﻓﺮﻣﺎﺗﮯ ﺭﮨﺘﮯ ﮨﯿﮟ، ﺟﺐ ﺗﮏ ﻭﮦ ﻏﺮﻏﺮﮦ ﮐﯽ ﺣﺎﻟﺖ ﻣﯿﮟ ﻧﮧ ﭘﮩﻨﭻ ﺟﺎﺋﮯ۔ ‘‘ ﻏﺮﻏﺮﮦ ﮐﯽ ﺣﺎﻟﺖ ﺳﮯ ﻣُﺮﺍﺩ، ﻣﻮﺕ ﮐﺎ ﻭﮦ ﻭﻗﺖ ﮨﮯ ﮐﮧ ﺟﺐ ﻧﺰﻉ ﮐﮯ ﻭﻗﺖ ﻓﺮﺷﺘﮯ ﺳﺎﻣﻨﮯ ﺍٓﺟﺎﺗﮯ ﮨﯿﮟ۔ ﺍُﺱ ﻭﻗﺖ ﺩﻧﯿﺎ ﮐﯽ ﺯﻧﺪﮔﯽ ﺧﺘﻢ ﮨﻮﮐﺮ ﺍٓﺧﺮﺕ ﮐﮯ ﺍﺣﮑﺎﻡ ﺷﺮﻭﻉ ﮨﻮﺟﺎﺗﮯ ﮨﯿﮟ، ﺍﺱ ﻟﯿﮯ ﺍُﺱ ﻭﻗﺖ ﮐﺎ ﮐﻮﺋﯽ ﻋﻤﻞ ﻗﺎﺑﻞِ ﻗﺒﻮﻝ ﻧﮩﯿﮟ ۔