ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ

ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﺍﻟﻠﮧ ﺗﻌﺎﻟﯽٰ ﮐﮯ ﻧﺒﯽ ﺍﻭﺭ ﺣﻀﺮﺕ ﮨﺎﺭﻭﻥؑ ﮐﯽ ﺍﻭﻻﺩ ﻣﯿﮟ ﺳﮯ ﺗﮭﮯ۔ ﺍٓﭖؑ ﺗﻘﺮﯾﺒﺎً ﻧﻮ ﺳﻮ ﻗﺒﻞِ ﻣﺴﯿﺢ ﺍُﺭﺩﻥ ﮐﮯ ﺷﮩﺮ ’’ ﺟِﻠﻌﺎﺩ ‘‘ ﻣﯿﮟ ﭘﯿﺪﺍ ﮨﻮﺋﮯ۔ ﻗﺮﺍٓﻥِ ﮐﺮﯾﻢ ﺍﻭﺭ ﻣﺴﺘﻨﺪ ﺍﺣﺎﺩﯾﺚ ﻣﯿﮟ ﺣﻀﺮﺕ ﺍﻟﯿﺎﺱؑ ﮐﯽ ﺯﻧﺪﮔﯽ ﮐﮯ ﺣﺎﻻﺕ ﺗﻔﺼﯿﻞ ﺳﮯ ﻣﺬﮐﻮﺭ ﻧﮩﯿﮟ۔ ﻗﺮﺍٓﻥِ ﮐﺮﯾﻢ ﻣﯿﮟ ﺍٓﭖؑ ﮐﺎ ﺫﮐﺮِ ﻣﺒﺎﺭﮎ ﺩﻭ ﻣﻘﺎﻣﺎﺕ ﭘﺮ ﺍٓﯾﺎ ﮨﮯ۔ ﺍﯾﮏ ﺳﻮﺭﮦٔ ﺍﻧﻌﺎﻡ ﻣﯿﮟ ﮐﮧ ﺟﮩﺎﮞ ﺩﯾﮕﺮ ﺍﻧﺒﯿﺎﺀ ﻋﻠﯿﮩﻢ ﺍﻟﺴّﻼﻡ ﮐﮯ ﺳﺎﺗﮫ ﺍٓﭖؑ ﮐﺎ ﺍﺳﻢِ ﮔﺮﺍﻣﯽ ﺑﮭﯽ ﻣﺬﮐﻮﺭ ﮨﮯ ﺍﻭﺭ ﺩﻭﺳﺮﺍ، ﺳﻮﺭﮦٔ ﺻﺎﻓﺎﺕ ﻣﯿﮟ، ﺟﮩﺎﮞ ﻧﮩﺎﯾﺖ ﺍﺧﺘﺼﺎﺭ ﮐﮯ ﺳﺎﺗﮫ ﺍٓﭖؑ ﮐﯽ ﺩﻋﻮﺕ ﻭ ﺗﺒﻠﯿﻎ ﺍﻭﺭ ﻭﻋﻆ ﻭ ﻧﺼﯿﺤﺖ ﮐﺎ ﺫﮐﺮ ﮨﮯ۔ ﺳﻮﺭﮦٔ ﺻﺎﻓﺎﺕ ﮐﯽ ﺍٓﯾﺖ 123 ﻣﯿﮟ ﺍﺭﺷﺎﺩ ﮨﮯ ’’ ﺍﻭﺭ ﺍﻟﯿﺎﺱؑ ﺑﮭﯽ ﭘﯿﻐﻤﺒﺮﻭﮞ ﻣﯿﮟ ﺳﮯ ﺗﮭﮯ۔ ‘‘ ﻗﺮﺍٓﻥِ ﮐﺮﯾﻢ ﻣﯿﮟ ﺍٓﭖؑ ﮐﺎ ﻧﺎﻡ ﺍﻟﯿﺎﺱ، ﺟﺐ ﮐﮧ ﺍﻧﺠﯿﻞ ﯾﻮﺣﻨﺎ ﻣﯿﮟ ﺍٓﭖؑ ﮐﺎ ﺫﮐﺮ ’’ ﺍﯾﻠﯿﺎ ﻧﺒﯽ ‘‘ ﮐﮯ ﻧﺎﻡ ﺳﮯ ﮐﯿﺎ ﮔﯿﺎ ﮨﮯ۔ ﻋﻠّﺎﻣﮧ ﺍﺑﻦِ ﮐﺜﯿﺮؒ ﻧﮯ ﺍٓﭖؑ ﮐﺎ ﻧﺴﺐ ﻧﺎﻣﮧ ﯾﻮﮞ ﺗﺤﺮﯾﺮ ﮐﯿﺎ ﮨﮯ، ’’ ﺍﻟﯿﺎﺱؑ ﺑﻦ ﯾﺎﺳﯿﻦ ﺑﻦ ﻓﺨﺎﺹ ﺑﻦ ﯾﻌﺰﺍﺯ ﺑﻦ ﮨﺎﺭﻭﻥ ﯾﺎ ﺍﻟﯿﺎﺱؑ ﺑﻦ ﺍﻟﻌﺎﺯ ﺑﻦ ﺍﻟﯿﻌﺰﺍﺯ ﺑﻦ ﮨﺎﺭﻭﻥ ۔ؑ ‘‘

ﺣﻀﺮﺕ ﺍﻟﯿﺎﺱؑ ﮐﯽ ﺑﻌﺜﺖ

ﻗﺮﺍٓﻥ ﻭ ﺣﺪﯾﺚ ﺳﮯ ﯾﮧ ﺑﮭﯽ ﭘﺘﺎ ﻧﮩﯿﮟ ﭼﻠﺘﺎ ﮐﮧ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﺐ ﺍﻭﺭ ﮐﮩﺎﮞ ﻣﺒﻌﻮﺙ ﮨﻮﺋﮯ؟ ﻟﯿﮑﻦ ﺗﺎﺭﯾﺨﯽ ﺍﻭﺭ ﺍﺳﺮﺍﺋﯿﻠﯽ ﺭﻭﺍﯾﺎﺕ ﺍﺱ ﺑﺎﺕ ﭘﺮ ﺗﻘﺮﯾﺒﺎً ﻣﺘﻔّﻖ ﮨﯿﮟ ﮐﮧ ﺍٓﭖؑ، ﺣﻀﺮﺕ ﺣﺰﻗﯿﻞ ﻋﻠﯿﮧ ﺍﻟﺴّﻼﻡ ﮐﮯ ﺑﻌﺪ ﺍﻭﺭ ﺣﻀﺮﺕ ﺍﻟﯿﺴﻊ ﻋﻠﯿﮧ ﺍﻟﺴّﻼﻡ ﺳﮯ ﭘﮩﻠﮯ ﺑﻨﯽ ﺍﺳﺮﺍﺋﯿﻞ ﮐﯽ ﻃﺮﻑ ﻣﺒﻌﻮﺙ ﮨﻮﺋﮯ۔ ﯾﮧ ﻭﮦ ﺯﻣﺎﻧﮧ ﺗﮭﺎ، ﺟﺐ ﺑﻨﯽ ﺍﺳﺮﺍﺋﯿﻞ ﮐﯽ ﺳﻠﻄﻨﺖ ﺩﻭ ﺣﺼّﻮﮞ ﻣﯿﮟ ﺑﭧ ﭼُﮑﯽ ﺗﮭﯽ۔ ﺍﯾﮏ ﺣﺼّﮧ ﯾﮩﻮﺩﺍ ﯾﺎ ﯾﮩﻮﺩﯾﮧ ﮐﮩﻼﺗﺎ ﺗﮭﺎ ﺍﻭﺭ ﺍﺱ ﮐﺎ ﻣﺮﮐﺰ، ﺑﯿﺖ ﺍﻟﻤﻘﺪِﺱ ﺗﮭﺎ ﺍﻭﺭ ﺩﻭﺳﺮﺍ ﺣﺼّﮧ، ﺍﺳﺮﺍﺋﯿﻞ ﮐﮩﻼﺗﺎ ﺗﮭﺎ، ﺟﺲ ﮐﺎ ﭘﺎﯾﮧٔ ﺗﺨﺖ ﺳﺎﻣﺮﮦ ‏( ﻣﻮﺟﻮﺩﮦ ﻧﺎﺑﻠﺲ ‏) ﺗﮭﺎ۔ ﺍُﺱ ﻭﻗﺖ ﺍﺳﺮﺍﺋﯿﻞ ﻣﯿﮟ ﺟﻮ ﺑﺎﺩﺷﺎﮦ ﺣﮑﻢ ﺭﺍﮞ ﺗﮭﺎ، ﺍُﺱ ﮐﺎ ﻧﺎﻡ ﺑﺎﺋﺒﻞ ﻣﯿﮟ ’’ ﺍﺧﯽ ﺍﺏ ‘‘ ﺍﻭﺭ ﻋﺮﺑﯽ ﺗﻮﺍﺭﯾﺦ ﻭ ﺗﻔﺎﺳﯿﺮ ﻣﯿﮟ ’’ ﺍﺟﺐ ﯾﺎ ﺍﺧﺐ ‘‘ ﻣﺬﮐﻮﺭ ﮨﮯ۔ ﺍُﺱ ﮐﯽ ﺑﯿﻮﯼ، ﺍﯾﺰﺑﻞ، ’’ ﺑﻌﻞ ‘‘ ﻧﺎﻣﯽ ﺑُﺖ ﮐﯽ ﭘﺮﺳﺘﺎﺭ ﺗﮭﯽ ﺍﻭﺭ ﺍُﺱ ﻧﮯ ﺑﻌﻞ ﮐﮯ ﻧﺎﻡ ﭘﺮ ﺍﯾﮏ ﺑﮍﯼ ﻗﺮﺑﺎﻥ ﮔﺎﮦ ﺗﻌﻤﯿﺮ ﮐﺮ ﮐﮯ ﺑﻨﯽ ﺍﺳﺮﺍﺋﯿﻞ ﮐﻮ ﺑُﺖ ﭘﺮﺳﺘﯽ ﮐﯽ ﺭﺍﮦ ﭘﺮ ﻟﮕﺎ ﺩﯾﺎ ﺗﮭﺎ۔ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﻮ ﺍﻟﻠﮧ ﺗﻌﺎﻟﯽٰ ﮐﯽ ﻃﺮﻑ ﺳﮯ ﺣﮑﻢ ﮨﻮﺍ ﮐﮧ ﻭﮦ ﺍﺱ ﺧﻄّﮯ ﻣﯿﮟ ﺟﺎ ﮐﺮ ﺗﻮﺣﯿﺪ ﮐﯽ ﺗﻌﻠﯿﻢ ﺩﯾﮟ ﺍﻭﺭ ﺍﺳﺮﺍﺋﯿﻠﯿﻮﮞ ﮐﻮ ﺑُﺖ ﭘﺮﺳﺘﯽ ﺳﮯ ﺭﻭﮐﯿﮟ۔ ‏( ﺗﻔﺴﯿﺮ ﺍﺑﻦِ ﺟﺮﯾﺮ، ﺝ 23 ، ﺹ 53 ‏) ﻣﻮٔﺭﺧﯿﻦ ﺍﻭﺭ ﻣﻔﺴﺮّﯾﻦ ﺍﺱ ﺑﺎﺕ ﭘﺮ ﻣﺘﻔّﻖ ﮨﯿﮟ ﮐﮧ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﻮ ﻣُﻠﮏِ ﺷﺎﻡ ﮐﮯ ﯾﮩﻮﺩﯾﻮﮞ ﺍﻭﺭ ﺍﺳﺮﺍﺋﯿﻠﯿﻮﮞ ﮐﻮ ﺗﻮﺣﯿﺪ ﮐﯽ ﺩﻋﻮﺕ ﺩﯾﻨﮯ ﮐﮯ ﻟﯿﮯ ﺑﮭﯿﺠﺎ ﮔﯿﺎ ﺗﺎﮐﮧ ﮐﻔﺮ ﻭ ﺷﺮﮎ ﺍﻭﺭ ﺑُﺖ ﭘﺮﺳﺘﯽ ﻣﯿﮟ ﻏﺮﻕ ﻗﻮﻡ ﮐﻮ ﺭﺍﮦِ ﺭﺍﺳﺖ ﭘﺮ ﻻﯾﺎ ﺟﺎ ﺳﮑﮯ ﺍﻭﺭ ﯾﮧ ﻟﻮﮒ ﺍﯾﮏ ﺍﻟﻠﮧ ﺍﻭﺭ ﺍُﺱ ﮐﮯ ﺭﺳﻮﻝ ﭘﺮ ﺍﯾﻤﺎﻥ ﻟﮯ ﺍٓﺋﯿﮟ۔
ﻗﻮﻡِ ﺍﻟﯿﺎﺱؑ ﮐﺎ ﺳﺐ ﺳﮯ ﺑﮍﺍ ﺩﯾﻮﺗﺎ

ﺑﻌﻞ ﺑُﺖ ﯾﮩﻮﺩﯾﻮﮞ ﺍﻭﺭ ﺍﺳﺮﺍﺋﯿﻠﯿﻮﮞ ﮐﺎ ﺳﺐ ﺳﮯ ﺑﮍﺍ ﺍﻭﺭ ﻣﺸﮩﻮﺭ ﺩﯾﻮﺗﺎ ﺗﮭﺎ۔ ﮐﮩﺎ ﺟﺎﺗﺎ ﮨﮯ ﮐﮧ ﻭﮦ ﺑُﺖ ﺳﻮﻧﮯ ﮐﺎ ﺗﮭﺎ۔ ﺍﺱ ﮐﺎ ﻗﺪ 20 ﮔﺰ ﺗﮭﺎ، ﭼﺎﺭ ﻣﻨﮧ ﺗﮭﮯ ﺍﻭﺭ ﭼﺎﺭ ﺳﻮ ﺍﻓﺮﺍﺩ ﺍُﺱ ﮐﯽ ﺧﺪﻣﺖ ﭘﺮ ﻣﺎﻣﻮﺭ ﺗﮭﮯ۔ ‏( ﺭﻭﺡ ﺍﻟﻤﻌﺎﻓﯽ ﺟﻠﺪ 23 ، ﺹ 627 ‏) ﯾﻤﻦ ﺍﻭﺭ ﺷﺎﻡ ﮐﮯ ﻋﻮﺍﻡ ﮐﺎ ﭘﺴﻨﺪﯾﺪﮦ ﺩﯾﻮﺗﺎ ﯾﮩﯽ ﺗﮭﺎ، ﺟﺲ ﮐﯽ ﺳﯿﮑﮍﻭﮞ ﺳﺎﻟﻮﮞ ﺳﮯ ﭘﻮﺟﺎ ﮐﯽ ﺟﺎ ﺭﮨﯽ ﺗﮭﯽ۔ ﺭﻭﺍﯾﺖ ﻣﯿﮟ ﮨﮯ ﮐﮧ ﺑﻌﻞ ﮐﮯ ﭘﺠﺎﺭﯼ ،ﺣﻀﺮﺕ ﯾﻮﺷﻊ ؑ ﺑﻦ ﻧﻮﻥ ﮐﮯ ﺯﻣﺎﻧﮯ ﻣﯿﮟ ﺑﮭﯽ ﺗﮭﮯ ﺍﻭﺭ ﺍٓﭖؑ ﻧﮯ ﺷﺎﻡ ﮐﯽ ﻓﺘﺢ ﮐﮯ ﺩَﻭﺭﺍﻥ ﺍُﻥ ﺳﮯ ﺟﻨﮓ ﮐﯽ ﺗﮭﯽ۔ ﺳﺎﻝ ﮐﮯ ﻣﺨﺼﻮﺹ ﻣﮩﯿﻨﻮﮞ ﻣﯿﮟ ﺍُﺱ ﺩﯾﻮﺗﺎ ﮐﮯ ﮔﺮﺩ ﻣﯿﻠﮯ ﻟﮕﺘﮯ، ﻣﻨّﺘﯿﮟ ﻣﺎﻧﯽ ﺟﺎﺗﯿﮟ، ﺳﻮﻧﮯ ﭼﺎﻧﺪﯼ ﮐﮯ ﻧﺬﺭﺍﻧﮯ ﭼﮍﮬﺎﺋﮯ ﺟﺎﺗﮯ، ﻃﺮﺡ ﻃﺮﺡ ﮐﯽ ﺧﻮﺵ ﺑُﻮﺋﻮﮞ ﮐﯽ ﺩﮬﻮﻧﯽ ﺩﯼ ﺟﺎﺗﯽ۔ ﺍُﺱ ﮐﯽ ﻗﺮﺑﺎﻥ ﮔﺎﮦ ﻣﯿﮟ ﺟﺎﻧﻮﺭﻭﮞ ﮐﻮ ﻗﺮﺑﺎﻥ ﮐﯿﺎ ﺟﺎﺗﺎ ﺍﻭﺭ ﺧﺎﺹ ﺧﺎﺹ ﻣﻮﺍﻗﻊ ﭘﺮ ﺍﻧﺴﺎﻧﻮﮞ ﮐﯽ ﺑﮭﯿﻨﭧ ﺑﮭﯽ ﭼﮍﮬﺎﺋﯽ ﺟﺎﺗﯽ ﺗﮭﯽ۔ ﻋﺒﺮﺍﻧﯽ ﺍﻭﺭ ﺳﺎﻣﯽ ﺯﺑﺎﻧﻮﮞ ﻣﯿﮟ ﺑﻌﻞ ﮐﮯ ﻣﻌﻨﯽ ﺍٓﻗﺎ، ﭘﺮﻭﺭﺩﮔﺎﺭ، ﻣﺎﻟﮏ ﺍﻭﺭ ﺳﺮﺩﺍﺭ ﮐﮯ ﮨﯿﮟ، ﺍﺳﯽ ﻟﯿﮯ ﻋﺮﺏ ﮐﯽ ﺧﻮﺍﺗﯿﻦ ﺑﮭﯽ ﺍﭘﻨﮯ ﺷﻮﮨﺮﻭﮞ ﮐﻮ ﺑﻌﻞ ﮐﮩﺘﯽ ﺗﮭﯿﮟ۔ ﺑﻌﺾ ﻣﻮٔﺭﺧﯿﻦ ﻧﮯ ﻟﮑﮭﺎ ﮨﮯ ﮐﮧ ﺣﺠﺎﺯ ﮐﺎ ﻣﺸﮩﻮﺭ ﺑُﺖ، ﮨﺒﻞ ﺑﮭﯽ ﺑﻌﻞ ﮨﯽ ﮐﯽ ﺍﯾﮏ ﺷﮑﻞ ﺗﮭﺎ۔ﻗﺮﺍٓﻥِ ﮐﺮﯾﻢ ﻣﯿﮟ ﺍﺭﺷﺎﺩِ ﺑﺎﺭﯼ ﮨﮯ ’’ ﺍﻭﺭ ﺍﻟﯿﺎﺱؑ ﺑﮭﯽ ﭘﯿﻐﻤﺒﺮﻭﮞ ﻣﯿﮟ ﺳﮯ ﺗﮭﮯ، ﺟﺐ ﺍُﻧﮩﻮﮞ ﻧﮯ ﺍﭘﻨﯽ ﻗﻮﻡ ﺳﮯ ﮐﮩﺎ ﮐﮧ ’’ ﺗﻢ ﮈﺭﺗﮯ ﮐﯿﻮﮞ ﻧﮩﯿﮟ، ﮐﯿﺎ ﺗﻢ ﺑﻌﻞ ﮐﻮ ﭘﮑﺎﺭﺗﮯ ‏( ﺍﻭﺭ ﺍُﺳﮯ ﭘﻮﺟﺘﮯ ﮨﻮ ‏) ﺍﻭﺭ ﺳﺐ ﺳﮯ ﺑﮩﺘﺮ ﭘﯿﺪﺍ ﮐﺮﻧﮯ ﻭﺍﻟﮯ ﮐﻮ ﭼﮭﻮﮌ ﺩﯾﺘﮯ ﮨﻮ۔ ﯾﻌﻨﯽ ﺍﻟﻠﮧ ﮐﻮ ﺟﻮ ﺗﻤﮩﺎﺭﺍ ﺍﻭﺭ ﺗﻤﮩﺎﺭﮮ ﺍﮔﻠﮯ ﺑﺎﭖ، ﺩﺍﺩﺍ ﮐﺎ ﭘﺮﻭﺭﺩﮔﺎﺭ ﮨﮯ ‘‘ ، ﺗﻮ ﺍُﻥ ﻟﻮﮔﻮﮞ ﻧﮯ ﺍُﻥ ﮐﻮ ﺟﮭﭩﻼ ﺩﯾﺎ۔ ﺳﻮ، ﻭﮦ ﺩﻭﺯﺥ ﻣﯿﮟ ﺣﺎﺿﺮ ﮐﯿﮯ ﺟﺎﺋﯿﮟ ﮔﮯ۔ ﮨﺎﮞ ! ﺍﻟﻠﮧ ﮐﮯ ﺧﺎﺹ ﺑﻨﺪﮮ ﻣﺒﺘﻼﺋﮯ ﻋﺬﺍﺏ ﻧﮩﯿﮟ ﮨﻮﮞ ﮔﮯ ﺍﻭﺭ ﮨﻢ ﻧﮯ ﺑﻌﺪ ﮐﮯ ﻟﻮﮔﻮﮞ ﻣﯿﮟ ‏( ﺍﻟﯿﺎﺱؑ ‏) ﮐﺎ ﺫﮐﺮ ﺑﺎﻗﯽ ﺭﮐﮭﺎ۔ ﺍِﻝ ﯾﺎﺳﯿﻦ ‏( ﺍﻟﯿﺎﺱؑ ‏) ﭘﺮ ﺳﻼﻡ ﮨﻮ۔ ﺑﻼﺷﺒﮧ ﮨﻢ ﻧﯿﮑﻮ ﮐﺎﺭﻭﮞ ﮐﻮ ﺍﯾﺴﺎ ﮨﯽ ﺑﺪﻟﮧ ﺩﯾﺘﮯ ﮨﯿﮟ۔ ﺑﮯ ﺷﮏ ﻭﮦ ﮨﻤﺎﺭﮮ ﻣﻮﻣﻦ ﺑﻨﺪﻭﮞ ﻣﯿﮟ ﺳﮯ ﺗﮭﮯ۔ ‘‘ ‏( ﺳﻮﺭﮦٔ ﺻﺎﻓﺎﺕ 132 ۔ 123 ‏)

ﺣﻀﺮﺕ ﺍﻟﯿﺎﺱؑ ﮐﺎ ﻣﺮﮐﺰ

ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﻧﮯ ﻣُﻠﮏِ ﺷﺎﻡ ﮐﮯ ﺳﺐ ﺳﮯ ﻣﺸﮩﻮﺭ ﺷﮩﺮ ’’ ﺑﻌﻠﺒﮏ ‘‘ ‏( Baalbek ‏) ﮐﻮ ﺭُﺷﺪ ﻭ ﮨﺪﺍﯾﺖ ﮐﺎ ﻣﺮﮐﺰ ﺑﻨﺎﯾﺎ۔ ﺍﺱ ﮐﯽ ﺑﮍﯼ ﻭﺟﮧ ﯾﮧ ﺗﮭﯽ ﮐﮧ ﺑﻌﻞ ﺩﯾﻮﺗﺎ ﮐﺎ ﺑُﺖ ﺍﺳﯽ ﺷﮩﺮ ﻣﯿﮟ ﺗﮭﺎ ﺍﻭﺭ ﯾﮧ ﺑُﺖ ﭘﺮﺳﺘﯽ، ﺳﺘﺎﺭﮦ ﭘﺮﺳﺘﯽ ﺍﻭﺭ ﮐﻔﺮ ﻭ ﺷﺮﮎ ﮐﺎ ﺳﺐ ﺳﮯ ﺑﮍﺍ ﺍﻭﺭ ﻗﺪﯾﻢ ﻣﺮﮐﺰ ﺗﮭﺎ۔ ﺍﺱ ﺷﮩﺮ ﮐﺎ ﻧﺎﻡ ﺑﻌﻠﺒﮏ ﺑﮭﯽ ﺍﺳﯽ ﺑُﺖ، ﺑﻌﻞ ﮐﮯ ﻧﺎﻡ ﺳﮯ ﻣﻨﺴﻮﺏ ﺗﮭﺎ، ﭼﻨﺎﮞ ﭼﮧ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﻧﮯ ﺍﺱ ﮐﻔﺮﺳﺘﺎﻥ ﺳﮯ ﻭﻋﻆ ﻭ ﻧﺼﯿﺤﺖ ﮐﺎ ﺍٓﻏﺎﺯ ﮐﯿﺎ۔ﺍٓﺝ ﺑﻌﻠﺒﮏ ﻟﺒﻨﺎﻥ ﮐﺎ ﻗﺪﯾﻢ ﺗﺮﯾﻦ ﺷﮩﺮ ﮨﮯ، ﺍﺱ ﮐﮯ ﮐﮭﻨﮉﺭﺍﺕ ﺍٓﺝ ﺑﮭﯽ ﺍﺱ ﮐﯽ ﻋﻈﻤﺖ ﺍﻭﺭ ﺷﺎﻥ ﻭ ﺷﻮﮐﺖ ﮐﮯ ﻣﻈﮩﺮ ﮨﯿﮟ۔ ﺳﻄﺢِ ﺳﻤﻨﺪﺭ ﺳﮯ 1150 ﻣﯿﭩﺮ ﺑﻠﻨﺪ ﯾﮧ ﺷﮩﺮ ﻣﻠﮑﮧٔ ﺑﻠﻘﯿﺲ ﮐﻮ ﺑﮧ ﻃﻮﺭ ﺣﻖ ﻣَﮩﺮ ﺩﯾﺎ ﮔﯿﺎ ﺗﮭﺎ ﺍﻭﺭ ﯾﮩﺎﮞ ﻗﺼﺮِ ﺳﻠﯿﻤﺎﻥ ﺑﮭﯽ ﺗﮭﺎ۔ ﯾﻮﻧﺎﻧﯿﻮﮞ ﻧﮯ ﺍﺳﮯ ’’ ﺷﮩﺮِ ﺍٓﻓﺘﺎﺏ ‘‘ ﯾﺎ ’’ ﻣﺪﯾﻨۃ ﺍﻟﺸﻤﺲ ‘‘ ﮐﺎ ﻧﺎﻡ ﺩﯾﺎ۔ﻧﯿﺰ، ﺭﻭﻣﯽ ﻋﮩﺪ ﻣﯿﮟ ﺍﺱ ﺷﮩﺮ ﮐﯽ ﺑﮍﯼ ﺍﮨﻤﯿﺖ ﺗﮭﯽ ﺍﻭﺭ ﺭﻭﻣﯽ ﺣﮑﻢ ﺭﺍﮞ، ﺍٓﮔﺴﭩﺲ ﻧﮯ ﺍﺳﮯ ﺍﭘﻨﯽ ﻧﻮﺍٓﺑﺎﺩﯼ ﺑﻨﺎ ﻟﯿﺎ ﺗﮭﺎ۔ 1154 ﻋﯿﺴﻮﯼ ‏( 549 ﮨﺠﺮﯼ ‏) ﻣﯿﮟ ﻧﻮﺭ ﺍﻟﺪّﯾﻦ ﺯﻧﮕﯽؒ ﻧﮯ ﺍﺳﮯ ﻓﺘﺢ ﮐﯿﺎ۔ 1170 ﻋﯿﺴﻮﯼ ‏( 565 ﮨﺠﺮﯼ ‏) ﻣﯿﮟ ﺍﯾﮏ ﺯﻟﺰﻟﮯ ﮐﯽ ﻭﺟﮧ ﺳﮯ ﯾﮧ ﺷﮩﺮ ﺗﺒﺎﮦ ﮨﻮ ﮔﯿﺎ، ﻣﮕﺮ ﭘﮭﺮ ﻧﺌﮯ ﺳﺮﮮ ﺳﮯ ﺍٓﺑﺎﺩ ﮨﻮﺍ۔ ﯾﮩﯿﮟ ﺣﻀﺮﺕ ﺍﻟﯿﺎﺱؑ ﮐﺎ ﻣﺰﺍﺭ ﮨﮯ۔
ﺗﻮﺣﯿﺪ ﮐﯽ ﺩﻋﻮﺕ ﺍﻭﺭ ﻗﻮﻡ ﮐﺎ ﺭﻭﯾّﮧ
ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﮯ ﺣﺎﻻﺕ ﻭ ﻭﺍﻗﻌﺎﺕ ﺍﻭﺭ ﻗﻮﻡ ﮐﮯ ﺳﺎﺗﮫ ﺍُﻥ ﮐﯽ ﮐﺶ ﻣﮑﺶ ﮐﯽ ﺗﻔﺼﯿﻞ ’’ ﺗﻔﺴﯿﺮِ ﻣﻈﮩﺮﯼ ‘‘ ﻣﯿﮟ ﻋﻠّﺎﻣﮧ ﺑﻐﻮﯼؒ ﺍﻭﺭ ﺩﯾﮕﺮ ﺗﻔﺎﺳﯿﺮ ﻣﯿﮟ ﺣﻀﺮﺕ ﻭﮨﺐ ﺑﻦ ﻣﻨﺒﮧؒ ﺍﻭﺭ ﺣﻀﺮﺕ ﮐﻌﺐ ﺍﻻﺣﺒﺎﺭؒ ﻭﻏﯿﺮﮦ ﮐﮯ ﺣﻮﺍﻟﮯ ﺳﮯ ﺑﯿﺎﻥ ﮐﯽ ﮔﺌﯽ ﮨﮯ، ﺟﻮ ﺍﮐﺜﺮ ﺍﺳﺮﺍﺋﯿﻠﯽ ﺭﻭﺍﯾﺎﺕ ﺳﮯ ﻣﺎﺧﻮﺫ ﮨﮯ۔ ﺍﻥ ﺗﻤﺎﻡ ﺭﻭﺍﯾﺎﺕ ﺳﮯ ﺧﻼﺻﮯ ﮐﮯ ﻃﻮﺭ ﭘﺮ ﺟﻮ ﻗﺪﺭِ ﻣﺸﺘﺮﮎ ﻧﮑﻠﺘﯽ ﮨﮯ، ﺍُﺳﮯ ﺣﻀﺮﺕ ﻣﻮﻻﻧﺎ ﻣﻔﺘﯽ ﻣﺤﻤّﺪ ﺷﻔﯿﻊ ﺭﺣﻤۃ ﺍﻟﻠﮧ ﻋﻠﯿﮧ ﻧﮯ ’’ ﻣﻌﺎﺭﻑ ﺍﻟﻘﺮﺍٓﻥ ‘‘ ﻣﯿﮟ ﺗﺤﺮﯾﺮ ﻓﺮﻣﺎ ﺩﯾﺎ ﮨﮯ، ﻭﮦ ﯾﮧ ﮨﮯ ﮐﮧ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﻧﮯ ﺍﺳﺮﺍﺋﯿﻞ ﮐﮯ ﺑﺎﺩﺷﺎﮦ ’’ ﺍﺧﯽ ﺍﺏ ‘‘ ﺍﻭﺭ ﺍُﺱ ﮐﯽ ﺭﻋﺎﯾﺎ ﮐﻮ ﺑﻌﻞ ﻧﺎﻣﯽ ﺑُﺖ ﮐﯽ ﭘﺮﺳﺘﺶ ﺳﮯ ﺭﻭﮐﺎ ﺍﻭﺭ ﺍُﻧﮭﯿﮟ ﺗﻮﺣﯿﺪ ﮐﯽ ﺩﻋﻮﺕ ﺩﯼ ﻣﮕﺮ ﺍﯾﮏ، ﺩﻭ ﺍﻓﺮﺍﺩ ﮐﮯ ﺳﻮﺍ ﮐﺴﯽ ﻧﮯ ﺍٓﭖؑ ﮐﯽ ﺑﺎﺕ ﻧﮩﯿﮟ ﻣﺎﻧﯽ، ﺑﻠﮑﮧ ﺍٓﭖؑ ﮐﻮ ﻃﺮﺡ ﻃﺮﺡ ﺳﮯ ﭘﺮﯾﺸﺎﻥ ﮐﺮﻧﮯ ﻟﮕﮯ، ﯾﮩﺎﮞ ﺗﮏ ﮐﮧ ﺍﺧﯽ ﺍﺏ ﺍﻭﺭ ﺍُﺱ ﮐﯽ ﺑﯿﻮﯼ، ﺍﯾﺰﺑﻞ ﻧﮯ ﺍٓﭖؑ ﮐﻮ ﺷﮩﯿﺪ ﮐﺮﻧﮯ ﮐﮯ ﺑﮭﯽ ﻣﻨﺼﻮﺑﮯ ﺑﻨﺎﺋﮯ، ﺟﺲ ﭘﺮ ﺍٓﭖؑ ﻧﮯ ﺍﯾﮏ ﺩُﻭﺭ ﺍﻓﺘﺎﺩﮦ ﻏﺎﺭ ﻣﯿﮟ ﭘﻨﺎﮦ ﻟﯽ ﺍﻭﺭ ﻋﺮﺻﮧٔ ﺩﺭﺍﺯ ﺗﮏ ﻭﮨﯿﮟ ﻣﻘﯿﻢ ﺭﮨﮯ۔ ﺑﻌﺪﺍﺯﺍﮞ، ﺍٓﭖؑ ﻧﮯ ﺩُﻋﺎ ﻓﺮﻣﺎﺋﯽ ﮐﮧ ﺍﺳﺮﺍﺋﯿﻞ ﮐﮯ ﻟﻮﮒ ﻗﺤﻂ ﺳﺎﻟﯽ ﮐﺎ ﺷﮑﺎﺭ ﮨﻮ ﺟﺎﺋﯿﮟ ﺗﺎﮐﮧ ﺍﺱ ﻗﺤﻂ ﮐﻮ ﺩُﻭﺭ ﮐﺮﻧﮯ ﮐﮯ ﻟﯿﮯ ﺍٓﭖؑ ﺍُﻥ ﮐﻮ ﻣﻌﺠﺰﺍﺕ ﺩِﮐﮭﺎﺋﯿﮟ، ﺗﻮ ﺷﺎﯾﺪ ﻭﮦ ﺍﯾﻤﺎﻥ ﻟﮯ ﺍٓﺋﯿﮟ۔ ﭼﻨﺎﮞ ﭼﮧ ﺍُﻧﮩﯿﮟ ﺷﺪﯾﺪ ﻗﺤﻂ ﻣﯿﮟ ﻣﺒﺘﻼ ﮐﺮ ﺩﯾﺎ ﮔﯿﺎ۔ ﺍﺱ ﮐﮯ ﺑﻌﺪ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ، ﺍﻟﻠﮧ ﺗﻌﺎﻟﯽٰ ﮐﮯ ﺣﮑﻢ ﺳﮯ ﺍﺧﯽ ﺍﺏ ﺳﮯ ﻣﻠﮯ ﺍﻭﺭ ﺍُﺱ ﺳﮯ ﮐﮩﺎ ﮐﮧ ’’ ﯾﮧ ﻋﺬﺍﺏ، ﺍﻟﻠﮧ ﺗﻌﺎﻟﯽٰ ﮐﯽ ﻧﺎﻓﺮﻣﺎﻧﯽ ﮐﯽ ﻭﺟﮧ ﺳﮯ ﮨﮯ ﺍﻭﺭ ﺍﮔﺮ ﺗﻢ ﺍﺏ ﺑﮭﯽ ﺑﺎﺯ ﺍٓ ﺟﺎﺋﻮ، ﺗﻮ ﯾﮧ ﻋﺬﺍﺏ ﺩُﻭﺭ ﮨﻮ ﺳﮑﺘﺎ ﮨﮯ۔ ﻣﯿﺮﯼ ﺳﭽّﺎﺋﯽ ﮐﮯ ﺍﻣﺘﺤﺎﻥ ﮐﺎ ﺑﮭﯽ ﯾﮧ ﺑﮩﺘﺮﯾﻦ ﻣﻮﻗﻊ ﮨﮯ۔ ﺗﻢ ﮐﮩﺘﮯ ﮨﻮ ﮐﮧ ﺍﺳﺮﺍﺋﯿﻞ ﻣﯿﮟ ﺗﻤﮩﺎﺭﮮ ﻣﻌﺒﻮﺩ، ﺑﻌﻞ ﮐﮯ ﺳﺎﮌﮬﮯ ﭼﺎﺭ ﺳﻮ ﻧﺒﯽ ﮨﯿﮟ، ﺗﻢ ﺍﯾﮏ ﺩﻥ ﺍُﻥ ﺳﺐ ﮐﻮ ﻣﯿﺮﮮ ﺳﺎﻣﻨﮯ ﺟﻤﻊ ﮐﺮ ﻟﻮ۔ ﻭﮦ ﺑﻌﻞ ﮐﮯ ﻧﺎﻡ ﭘﺮ ﻗﺮﺑﺎﻧﯽ ﭘﯿﺶ ﮐﺮﯾﮟ ﺍﻭﺭ ﻣَﯿﮟ ﺍﻟﻠﮧ ﮐﮯ ﻧﺎﻡ ﭘﺮ ﻗﺮﺑﺎﻧﯽ ﮐﺮﻭﮞ ﮔﺎ، ﺟﺲ ﮐﯽ ﻗﺮﺑﺎﻧﯽ ﮐﻮ ﺍٓﺳﻤﺎﻧﯽ ﺍٓﮒ ﺍٓ ﮐﺮ ﺑﮭﺴﻢ ﮐﺮ ﺩﮮ ﮔﯽ ﺍُﺱ ﮐﺎ ﺩﯾﻦ ﺳﭽّﺎ ﮨﻮ ﮔﺎ۔ ‘‘ ﺳﺐ ﻧﮯ ﺍﺱ ﺗﺠﻮﯾﺰ ﮐﻮ ﺧﻮﺷﯽ ﺧﻮﺷﯽ ﻣﺎﻥ ﻟﯿﺎ۔ ﭼﻨﺎﮞ ﭼﮧ ﮐﻮﮦِ ﮐﺮﻣﻞ ﮐﮯ ﻣﻘﺎﻡ ﭘﺮ ﯾﮧ ﺍﺟﺘﻤﺎﻉ ﮨﻮﺍ۔ ﺑﻌﻞ ﮐﮯ ﺟﮭﻮﭨﮯ ﻧﺒﯿﻮﮞ ﻧﮯ ﺍﭘﻨﯽ ﻗﺮﺑﺎﻧﯽ ﭘﯿﺶ ﮐﯽ ﺍﻭﺭ ﺻﺒﺢ ﺳﮯ ﺩﻭﭘﮩﺮ ﺗﮏ ﺑﻌﻞ ﺳﮯ ﺍﻟﺘﺠﺎﺋﯿﮟ ﮐﺮﺗﮯ ﺭﮨﮯ، ﻣﮕﺮ ﮐﻮﺋﯽ ﺟﻮﺍﺏ ﻧﮧ ﺍٓﯾﺎ۔ ﺍﺱ ﮐﮯ ﺑﻌﺪ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﻧﮯ ﺍﭘﻨﯽ ﻗﺮﺑﺎﻧﯽ ﭘﯿﺶ ﮐﯽ۔ ﺍﺱ ﭘﺮ ﺍٓﺳﻤﺎﻥ ﺳﮯ ﺍٓﮒ ﻧﺎﺯﻝ ﮨﻮﺋﯽ، ﺟﺲ ﻧﮯ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﯽ ﻗﺮﺑﺎﻧﯽ ﮐﻮ ﺟﻼ ﮐﺮ ﺑﮭﺴﻢ ﮐﺮ ﺩﯾﺎ۔ ﯾﮧ ﺩﯾﮑﮫ ﮐﺮ ﺑﮩﺖ ﺳﮯ ﻟﻮﮒ ﺳﺠﺪﮮ ﻣﯿﮟ ﮔﺮ ﮔﺌﮯ، ﮐﯿﻮﮞ ﮐﮧ ﺍُﻥ ﭘﺮ ﺣﻖ ﻭﺍﺿﺢ ﮨﻮ ﮔﯿﺎ ﺗﮭﺎ، ﻟﯿﮑﻦ ﺑﻌﻞ ﮐﮯ ﺟﮭﻮﭨﮯ ﻧﺒﯽ ﺍﺏ ﺑﮭﯽ ﻧﮧ ﻣﺎﻧﮯ۔ ﺍﺳﯽ ﻃﺮﺡ، ﺑﺎﺩﺷﺎﮦ ﮐﯽ ﺑﯿﻮﯼ، ﺍﯾﺰﺑﻞ ﺑﮭﯽ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﭘﺮ ﺍﯾﻤﺎﻥ ﻻﻧﮯ ﮐﮯ ﺑﺠﺎﺋﮯ، ﺍﻟﭩﯽ ﺍُﻥ ﮐﯽ ﺟﺎﻥ ﮐﯽ ﺩﺷﻤﻦ ﮨﻮ ﮔﺌﯽ۔ ﺣﻀﺮﺕ ﺍﻟﯿﺎﺱؑ ﮐﻮ ﺍُﺱ ﮐﮯ ﻋﺰﺍﺋﻢ ﮐﺎ ﭘﺘﺎ ﭼﻼ، ﺗﻮ ﺍٓﭖؑ ﺭﻭﭘﻮﺵ ﮨﻮ ﮔﺌﮯ ﺍﻭﺭ ﮐﭽﮫ ﻋﺮﺻﮯ ﺑﻌﺪ ﺑﻨﯽ ﺍﺳﺮﺍﺋﯿﻞ ﮐﮯ ﺩﻭﺳﺮﮮ ﻣُﻠﮏ، ﯾﮩﻮﺩﯾﮧ ﻣﯿﮟ ﺗﺒﻠﯿﻎ ﺷﺮﻭﻉ ﮐﺮ ﺩﯼ، ﮐﯿﻮﮞ ﮐﮧ ﺭﻓﺘﮧ ﺭﻓﺘﮧ ﺑﻌﻞ ﭘﺮﺳﺘﯽ ﮐﯽ ﻭﺑﺎ ﻭﮨﺎﮞ ﺑﮭﯽ ﭘﮭﯿﻞ ﭼُﮑﯽ ﺗﮭﯽ۔ ﻭﮨﺎﮞ ﮐﮯ ﺑﺎﺩﺷﺎﮦ ﻧﮯ ﺑﮭﯽ ﺍٓﭖ ﮐﯽ ﺑﺎﺕ ﻧﮧ ﺳُﻨﯽ ،ﯾﮩﺎﮞ ﺗﮏ ﮐﮧ ﻭﮦ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﯽ ﭘﯿﺶ ﮔﻮﺋﯽ ﮐﮯ ﻣﻄﺎﺑﻖ ﺗﺒﺎﮦ ﻭ ﺑﺮﺑﺎﺩ ﮨﻮﮔﯿﺎ۔ ﭼﻨﺪ ﺳﺎﻝ ﺑﻌﺪ ﺍٓﭖؑ ﺩﻭﺑﺎﺭﮦ ﺍﺳﺮﺍﺋﯿﻞ ﺗﺸﺮﯾﻒ ﻻﺋﮯ ﺍﻭﺭ ﺑﺎﺩﺷﺎﮦ ﮐﻮ ﺭﺍﮦِ ﺭﺍﺳﺖ ﭘﺮ ﻻﻧﮯ ﮐﯽ ﮐﻮﺷﺶ ﮐﯽ، ﻣﮕﺮ ﻭﮦ ﺑﺪﺳﺘﻮﺭ ﺍﭘﻨﯽ ﺑﺪﺍﻋﻤﺎﻟﯿﻮﮞ ﻣﯿﮟ ﻣﺒﺘﻼ ﺭﮨﺎ۔ ﯾﮩﺎﮞ ﺗﮏ ﮐﮧ ﺍُﻧﮩﯿﮟ ﺑﯿﺮﻭﻧﯽ ﺣﻤﻠﻮﮞ ﺍﻭﺭ ﻣﮩﻠﮏ ﺑﯿﻤﺎﺭﯾﻮﮞ ﮐﺎ ﺷﮑﺎﺭ ﺑﻨﺎ ﺩﯾﺎ ﮔﯿﺎ۔ ﺍﺱ ﮐﮯ ﺑﻌﺪ ﺍﻟﻠﮧ ﺗﻌﺎﻟﯽٰ ﻧﮯ ﺍﭘﻨﮯ ﻧﺒﯽ ﮐﻮ ﻭﺍﭘﺲ ﺑﻼ ﻟﯿﺎ۔ ‏( ﻣﻌﺎﺭﻑ ﺍﻟﻘﺮﺍﻥ، ﺟﻠﺪ 7 ، ﺹ 470 ‏)
ﺣﻀﺮﺕ ﺍﻟﯿﺎﺱ ﮐﯽ ﺭُﻭﭘﻮﺷﯽ
ﺣﻀﺮﺕ ﮐﻌﺐ ﺍﺣﺒﺎﺭؒ ﺳﮯ ﻣﻨﻘﻮﻝ ﮨﮯ ﮐﮧ ﺣﻀﺮﺕ ﺍﻟﯿﺎﺱؑ ﺑﺎﺩﺷﺎﮦ ﮐﮯ ﻇﻠﻢ ﻭﺳﺘﻢ ﺳﮯ ﺗﻨﮓ ﺍٓﮐﺮ ﺍﯾﮏ ﻏﺎﺭ ﻣﯿﮟ ﺭﮨﻨﮯ ﻟﮕﮯ ﺗﮭﮯ ﺍﻭﺭ ﺍُﻧﮭﻮﮞ ﻧﮯ ﺗﻘﺮﯾﺒﺎً ﺩﺱ ﺳﺎﻝ ﮐﺎ ﻋﺮﺻﮧ ﺭُﻭﭘﻮﺷﯽ ﻣﯿﮟ ﺑﺴﺮ ﮐﯿﺎ۔ ﭘﮭﺮ ﺍﻟﻠﮧ ﺗﻌﺎﻟﯽٰ ﻧﮯ ﺍُﺱ ﺑﺎﺩﺷﺎﮦ ﮐﻮ ﮨﻼﮎ ﮐﺮﺩﯾﺎ، ﺩﻭﺳﺮﺍ ﺑﺎﺩﺷﺎﮦ ﺗﺨﺖ ﻧﺸﯿﻦ ﮨﻮﺍ، ﺗﻮ ﺣﻀﺮﺕ ﺍﻟﯿﺎﺱؑ ﺍُﺱ ﮐﮯ ﭘﺎﺱ ﺗﺸﺮﯾﻒ ﻟﮯ ﮔﺌﮯ ﺍﻭﺭ ﺍُﺳﮯ ﺩﻋﻮﺕِ ﺗﻮﺣﯿﺪ ﺩﯼ، ﺟﺲ ﭘﺮ ﺍﯾﮏ ﺧﻠﻖِ ﻋﻈﯿﻢ ﺍُﻥ ﭘﺮ ﺍﯾﻤﺎﻥ ﻟﮯ ﺍٓﺋﯽ، ﺻﺮﻑ ﺩﺱ ﮨﺰﺍﺭ ﺑﺎﻗﯽ ﺭﮦ ﮔﺌﮯ، ﺟﻨﮭﯿﮟ ﻗﺘﻞ ﮐﺮ ﺩﯾﺎ ﮔﯿﺎ۔ ‏( ﺍﺑﻦِ ﮐﺜﯿﺮؒ ‏)
ﮐﯿﺎ ’’ ﺍﻟﯿﺎﺱؑ ‘‘ ﺣﻀﺮﺕ ﺍﺩﺭﯾﺲؑ ﮐﺎ ﺩﻭﺳﺮﺍ ﻧﺎﻡ ﮨﮯ؟
ﻣﻔﺴﺮّﯾﻦ ﻣﯿﮟ ﺳﮯ ﺍﯾﮏ ﻣﺨﺘﺼﺮ ﮔﺮﻭﮦ ﮐﺎ ﮐﮩﻨﺎ ﮨﮯ ﮐﮧ ’’ ﺍﻟﯿﺎﺱ ‘‘ ، ﺣﻀﺮﺕ ﺍﺩﺭﯾﺲ ﻋﻠﯿﮧ ﺍﻟﺴّﻼﻡ ﮨﯽ ﮐﺎ ﺩﻭﺳﺮﺍ ﻧﺎﻡ ﮨﮯ ﺍﻭﺭ ﺍﻥ ﺩﻭﻧﻮﮞ ﺷﺨﺼﯿﺎﺕ ﻣﯿﮟ ﮐﻮﺋﯽ ﻓﺮﻕ ﻧﮩﯿﮟ۔ ﺑﻌﺾ ﺣﻀﺮﺍﺕ ﻧﮯ ﯾﮧ ﺑﮭﯽ ﮐﮩﺎ ﮨﮯ ﮐﮧ ﺣﻀﺮﺕ ﺍﻟﯿﺎﺱؑ ﺍﻭﺭ ﺣﻀﺮﺕ ﺧﻀﺮؑ ﻣﯿﮟ ﮐﻮﺋﯽ ﻓﺮﻕ ﻧﮩﯿﮟ۔ ‏( ﺩﺭ ﻣﻨﺸﻮﺭ، ﺝ 5 ، ﺹ 285 ‏) ۔ ﻟﯿﮑﻦ ﻣﺤﻘﻘّﯿﻦ ﻧﮯ ﺍﻥ ﺍﻗﻮﺍﻝ ﮐﯽ ﺗﺮﺩﯾﺪ ﮐﯽ ﮨﮯ۔ ﻗﺮﺍٓﻥِ ﮐﺮﯾﻢ ﻧﮯ ﺑﮭﯽ ﺣﻀﺮﺕ ﺍﺩﺭﯾﺲؑ ﺍﻭﺭ ﺣﻀﺮﺕ ﺍﻟﯿﺎﺱ ؑﮐﺎ ﺍﺱ ﻃﺮﺡ ﺟﺪﺍ ﺟﺪﺍ ﺗﺬﮐﺮﮦ ﻓﺮﻣﺎﯾﺎ ﮨﮯ ﮐﮧ ﺩﻭﻧﻮﮞ ﮐﻮ ﺍﯾﮏ ﻗﺮﺍﺭ ﺩﯾﻨﮯ ﮐﯽ ﮐﻮﺋﯽ ﮔﻨﺠﺎﺋﺶ ﻧﻈﺮ ﻧﮩﯿﮟ ﺍٓﺗﯽ، ﺍﺱ ﻟﯿﮯ ﺣﺎﻓﻆ ﺍﺑﻦِ ﮐﺜﯿﺮؒ ﻧﮯ ﺍﭘﻨﯽ ﺗﺎﺭﯾﺦ ﻣﯿﮟ ﺩﻭﻧﻮﮞ ﮐﻮ ﺍﻟﮓ، ﺍﻟﮓ ﻧﺒﯽ ﻗﺮﺍﺭ ﺩﯾﺎ ﮨﮯ۔ ‏( ﺍﻟﺒﺪﺍﯾﮧ ﻭﺍﻟﻨﮩﺎﯾﮧ، ﺝ 1 ، ﺹ 339 ‏) ۔ﺣﻀﺮﺕ ﺍﺩﺭﯾﺲ ﻋﻠﯿﮧ ﺍﻟﺴّﻼﻡ، ﺣﻀﺮﺕ ﻧﻮﺡ ﻋﻠﯿﮧ ﺍﻟﺴّﻼﻡ ﮐﮯ ﺑﻌﺪ ﺍﻭﺭ ﺣﻀﺮﺕ ﺍﺑﺮﺍﮨﯿﻢ ﻋﻠﯿﮧ ﺍﻟﺴّﻼﻡ ﺳﮯ ﭘﮩﻠﮯ ﻧﺒﻮّﺕ ﭘﺮ ﺳﺮﻓﺮﺍﺯ ﮨﻮﺋﮯ، ﺟﺐ ﮐﮧ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﺍﯾﮏ ﺍﺳﺮﺍﺋﯿﻠﯽ ﻧﺒﯽ ﮨﯿﮟ ﺍﻭﺭ ﺣﻀﺮﺕ ﻣﻮﺳﯽٰ ﻋﻠﯿﮧ ﺍﻟﺴّﻼﻡ ﮐﮯ ﺑﻌﺪ ﻣﺒﻌﻮﺙ ﮨﻮﺋﮯ، ﯾﻮﮞ ﺩﻭﻧﻮﮞ ﻣﯿﮟ ﺳﯿﮑﮍﻭﮞ ﺳﺎﻝ ﮐﺎ ﻓﺎﺻﻠﮧ ﮨﮯ۔ ﭼﻨﺎﮞ ﭼﮧ ﻃﺒﺮﯼؒ ﻟﮑﮭﺘﮯ ﮨﯿﮟ ﮐﮧ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ، ﺣﻀﺮﺕ ﺍﻟﯿﺴﻊ ﻋﻠﯿﮧ ﺍﻟﺴّﻼﻡ ﮐﮯ ﭼﭽﺎ ﺯﺍﺩ ﺑﮭﺎﺋﯽ ﺗﮭﮯ ﺍﻭﺭ ﺍُﻥ ﮐﯽ ﺑﻌﺜﺖ ﺣﻀﺮﺕ ﺣﺰﻗﯿﻞ ﻋﻠﯿﮧ ﺍﻟﺴّﻼﻡ ﮐﮯ ﺑﻌﺪ ﮨﻮﺋﯽ۔
ﺑﺎﺩﺷﺎﮨﯽ ﻣﯿﮟ ﻓﻘﯿﺮﯼ
ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﺍُﻥ ﺍﻧﺒﯿﺎﺋﮯ ﮐﺮﺍﻡؑ ﻣﯿﮟ ﺳﮯ ﮨﯿﮟ، ﺟﻨﮩﻮﮞ ﻧﮯ ﭘﻮﺭﯼ ﺯﻧﺪﮔﯽ ﺟﺎﮦ ﻭ ﺣﺸﻤﺖ، ﺩﻭﻟﺖ ﺛﺮﻭﺕ ﺳﮯ ﺑﮯ ﻧﯿﺎﺯ ﮨﻮ ﮐﺮ ﺑﺴﺮ ﮐﯽ۔ ﺭﮨﻨﮯ ﮐﻮ ﻣﮑﺎﻥ ﺑﻨﺎﯾﺎ ﺍﻭﺭ ﻧﮧ ﮐﮭﺎﻧﮯ ﭘﯿﻨﮯ ﮐﯽ ﻓﮑﺮ ﺭﮨﯽ۔ ﻣﻼ ﺗﻮ ﮐﮭﺎ ﻟﯿﺎ، ﻧﮧ ﻣﻼ ﺗﻮ ﭘﺎﻧﯽ ﮨﯽ ﭘﺮ ﮔﺰﺍﺭﮦ ﮐﺮ ﻟﯿﺎ۔ ﺩﻥ ﺑﮭﺮ ﺩﺭﺱ ﻭ ﺗﺒﻠﯿﻎ ﻣﯿﮟ ﻣﺼﺮﻭﻑ ﺭﮨﺘﮯ ﺍﻭﺭ ﺷﺐ ﯾﺎﺩِ ﺍﻟﮩٰﯽ ﻣﯿﮟ ﮔﺰﺍﺭﺗﮯ۔ ﺟﺐ ﻧﯿﻨﺪ ﺯﯾﺎﺩﮦ ﺳﺘﺎﺗﯽ، ﺗﻮ ﺟﮩﺎﮞ ﺟﮕﮧ ﻣﯿّﺴﺮ ﺍٓ ﺟﺎﺗﯽ، ﺳﻮ ﺭﮨﺘﮯ۔ ﺳﻔﺮﻧﺎﻣﮧ ﺍﺭﺽِ ﻗﺮﺍٓﻥ ﻣﯿﮟ ﺗﺤﺮﯾﺮ ﮨﮯ ﮐﮧ ﻭﺍﺩﯼٔ ﺳﯿﻨﺎ ﻣﯿﮟ ﻭﺍﻗﻊ، ﺟﺒﻞِ ﻃﻮﺭ ﭘﺮ ’’ ﻣﻘﺎﻡِ ﺍﻟﯿﺎﺱ ‘‘ ﻭﮦ ﺟﮕﮧ ﮨﮯ، ﺟﮩﺎﮞ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﺳﺎﻣﺮﮦ ﺳﮯ ﺑﮭﺎﮒ ﮐﺮ ﺭﻭﭘﻮﺵ ﮨﻮﺋﮯ ﺗﮭﮯ۔
ﺣﻀﺮﺕ ﺍﻟﯿﺎﺱؑ ﺣﯿﺎﺕ ﮨﯿﮟ ﯾﺎ ﻭﻓﺎﺕ ﭘﺎ ﭼُﮑﮯ؟
ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﺯﻧﺪﮦ ﮨﯿﮟ ﯾﺎ ﻭﻓﺎﺕ ﭘﺎ ﭼُﮑﮯ؟ ﻣﻮٔﺭﺧﯿﻦ ﺍﻭﺭ ﻣﻔﺴﺮّﯾﻦ ﮐﮯ ﺩﺭﻣﯿﺎﻥ ﯾﮧ ﻣﺴﺌﻠﮧ ﺑﮭﯽ ﺯﯾﺮِ ﺑﺤﺚ ﺍٓﯾﺎ۔ ﺗﻔﺴﯿﺮِ ﻣﻈﮩﺮﯼ ﻣﯿﮟ ﻋﻠّﺎﻣﮧ ﺑﻐﻮﯼؒ ﮐﮯ ﺣﻮﺍﻟﮯ ﺳﮯ ﺟﻮ ﻃﻮﯾﻞ ﺭﻭﺍﯾﺖ ﺑﯿﺎﻥ ﮐﯽ ﮔﺌﯽ ﮨﮯ، ﺍُﺱ ﻣﯿﮟ ﯾﮧ ﺑﮭﯽ ﻣﺬﮐﻮﺭ ﮨﮯ ﮐﮧ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﻮ ﺍﯾﮏ ﺍٓﺗﺸﯿﮟ ﮔﮭﻮﮌﮮ ﭘﺮ ﺳﻮﺍﺭ ﮐﺮ ﮐﮯ ﺍٓﺳﻤﺎﻥ ﮐﯽ ﻃﺮﻑ ﺍﭨﮭﺎ ﻟﯿﺎ ﮔﯿﺎ ﺗﮭﺎ ﺍﻭﺭ ﻭﮦ ﺣﻀﺮﺕ ﻋﯿﺴﯽٰ ﻋﻠﯿﮧ ﺍﻟﺴّﻼﻡ ﮐﯽ ﻃﺮﺡ ﺯﻧﺪﮦ ﮨﯿﮟ۔ ‏( ﺗﻔﺴﯿﺮِ ﻣﻈﮩﺮﯼ، ﺝ 8 ، ﺹ 141 ‏) ﻋﻠّﺎﻣﮧ ﺳﯿﻮﻃﯽؒ ﻧﮯ ﺑﮭﯽ ﺍﺑﻦِ ﻋﺴﺎﮐﺮؒ ﺍﻭﺭ ﺣﺎﮐﻢؒ ﻭﻏﯿﺮﮦ ﮐﮯ ﺣﻮﺍﻟﮯ ﺳﮯ ﮐﺌﯽ ﺍﯾﺴﯽ ﺭﻭﺍﯾﺎﺕ ﻧﻘﻞ ﮐﯽ ﮨﯿﮟ، ﺟﻦ ﺳﮯ ﻣﻌﻠﻮﻡ ﮨﻮﺗﺎ ﮨﮯ ﮐﮧ ﻭﮦ ﺯﻧﺪﮦ ﮨﯿﮟ۔ ﮐﻌﺐ ﺍﻻﺣﺒﺎﺭؒ ﺳﮯ ﻣﻨﻘﻮﻝ ﮨﮯ ﮐﮧ ﭼﺎﺭ ﺍﻧﺒﯿﺎﺀ ﻋﻠﯿﮩﻢ ﺍﻟﺴّﻼﻡ ﺍﺏ ﺗﮏ ﺯﻧﺪﮦ ﮨﯿﮟ۔ ﺩﻭ ﺯﻣﯿﻦ ﭘﺮ ﺣﻀﺮﺕ ﺧﻀﺮؑ ﺍﻭﺭ ﺣﻀﺮﺕ ﺍﻟﯿﺎﺱؑ ﺍﻭﺭ ﺩﻭ ﺍٓﺳﻤﺎﻥ ﭘﺮ ﺣﻀﺮﺕ ﻋﯿﺴﯽٰؑ ﺍﻭﺭ ﺣﻀﺮﺕ ﺍﺩﺭﯾﺲؑ۔ ‏( ﺩﺭ ﻣﻨﺸﻮﺭ، ﺝ 5 ، ﺹ 285 ‏) ﯾﮩﺎﮞ ﺗﮏ ﮐﮧ ﺑﻌﺾ ﺍﻓﺮﺍﺩ ﻧﮯ ﯾﮧ ﺑﮭﯽ ﮐﮩﺎ ﮨﮯ ﮐﮧ ﺣﻀﺮﺕ ﺧﻀﺮؑ ﺍﻭﺭ ﺣﻀﺮﺕ ﺍﻟﯿﺎﺱؑ ﮨﺮ ﺳﺎﻝ ﺭﻣﻀﺎﻥ ﮐﮯ ﻣﮩﯿﻨﮯ ﻣﯿﮟ ﺑﯿﺖ ﺍﻟﻤﻘﺪِﺱ ﻣﯿﮟ ﺍﮐﭩﮭﮯ ﮨﻮﺗﮯ ﺍﻭﺭ ﺭﻭﺯﮮ ﺭﮐﮭﺘﮯ ﮨﯿﮟ۔ ‏( ﺗﻔﺴﯿﺮ ﻗﺮﻃﺒﯽ، ﺝ 15 ، ﺹ 116 ‏) ﻟﯿﮑﻦ ﺣﺎﻓﻆ ﺍﺑﻦِ ﮐﺜﯿﺮؒ ﺟﯿﺴﮯ ﻣﺤﻘّﻖ ﻋﻠﻤﺎﺀ ﻧﮯ ﺍِﻥ ﺭﻭﺍﯾﺎﺕ ﮐﻮ ﺻﺤﯿﺢ ﻗﺮﺍﺭ ﻧﮩﯿﮟ ﺩﯾﺎ۔ ﻭﮦ ﺍِﻥ ﺟﯿﺴﯽ ﺭﻭﺍﯾﺎﺕ ﮐﮯ ﺑﺎﺭﮮ ﻣﯿﮟ ﻟﮑﮭﺘﮯ ﮨﯿﮟ ’’ ﯾﮧ ﺍُﻥ ﺍﺳﺮﺍﺋﯿﻠﯽ ﺭﻭﺍﯾﺎﺕ ﻣﯿﮟ ﺳﮯ ﮨﯿﮟ، ﺟﻦ ﮐﯽ ﻧﮧ ﺗﺼﺪﯾﻖ ﮐﯽ ﺟﺎﺗﯽ ﮨﮯ ﺍﻭﺭ ﻧﮧ ﺗﮑﺬﯾﺐ، ﺑﻠﮑﮧ ﻇﺎﮨﺮ ﯾﮧ ﮨﮯ ﮐﮧ ﺍﻥ ﮐﯽ ﺻﺤﺖ ﺑﻌﯿﺪ ﮨﮯ۔ ‘‘ ‏( ﺍﻟﺒﺪﺍﯾﮧ ﻭﺍﻟﻨﮩﺎﯾﮧ، ﺝ 1 ﺹ 338 ‏) ﺑﺎﺋﺒﻞ ﻣﯿﮟ ﻟﮑﮭﺎ ﮨﮯ ﮐﮧ ’’ ﺍﻭﺭ ﻭﮦ ﺍٓﮔﮯ ﭼﻠﺘﮯ ﺍﻭﺭ ﺑﺎﺗﯿﮟ ﮐﺮﺗﮯ ﺟﺎﺗﮯ ﺗﮭﮯ ﮐﮧ ﺩﯾﮑﮭﻮ ﺍﯾﮏ ﺍٓﺗﺸﯽ ﺭﺗﮫ ﺍﻭﺭ ﺍٓﺗﺸﯽ ﮔﮭﻮﮌﻭﮞ ﻧﮯ ﺍُﻥ ﺩﻭﻧﻮﮞ ﮐﻮ ﺟﺪﺍ ﮐﺮ ﺩﯾﺎ ﺍﻭﺭ ﺍﯾﻠﯿﺎﮦ ﺑﮕﻮﻟﮯ ﻣﯿﮟ ﺍٓﺳﻤﺎﻥ ﭘﺮ ﭼﻼ ﮔﯿﺎ۔ ‘‘ ‏( 2 ۔ ﺳﻼﻃﯿﻦ 11:2 ‏) ۔ﻗﺮﺍٓﻥ ﻭ ﺣﺪﯾﺚ ﻣﯿﮟ ﺍﯾﺴﯽ ﮐﻮﺋﯽ ﺩﻟﯿﻞ ﻧﮩﯿﮟ ﮨﮯ، ﺟﺲ ﺳﮯ ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﯽ ﺯﻧﺪﮔﯽ ﯾﺎ ﺍٓﭖؑ ﮐﺎ ﺍٓﺳﻤﺎﻥ ﭘﺮ ﺍﭨﮭﺎﯾﺎ ﺟﺎﻧﺎ ﺛﺎﺑﺖ ﮨﻮﺗﺎ ﮨﻮ۔ ﺻﺮﻑ ﺍﯾﮏ ﺭﻭﺍﯾﺖ ﻣﺴﺘﺪﺭﮎ ﺣﺎﮐﻢؒ ﻣﯿﮟ ﻣﻠﺘﯽ ﮨﮯ ،ﺟﺲ ﻣﯿﮟ ﻣﺬﮐﻮﺭ ﮨﮯ ﮐﮧ ﺗﺒﻮﮎ ﮐﮯ ﺭﺍﺳﺘﮯ ﻣﯿﮟ ﺍٓﻧﺤﻀﺮﺕﷺ ﮐﯽ ﺣﻀﺮﺕ ﺍﻟﯿﺎﺱؑ ﺳﮯ ﻣﻼﻗﺎﺕ ﮨﻮﺋﯽ، ﻟﯿﮑﻦ ﻣﺤﺪّﺛﯿﻦ ﻧﮯ ﺍﺳﮯ ﻣﻮﺿﻮﻉ ﺣﺪﯾﺚ ﻗﺮﺍﺭ ﺩﯾﺎ ﮨﮯ۔ ﺑﮩﺮﺣﺎﻝ، ﺣﻀﺮﺕ ﺍﻟﯿﺎﺱ ﻋﻠﯿﮧ ﺍﻟﺴّﻼﻡ ﮐﺎ ﺯﻧﺪﮦ ﮨﻮﻧﺎ ﮐﺴﯽ ﻣﻌﺘﺒﺮ ﺍﺳﻼﻣﯽ ﺭﻭﺍﯾﺖ ﺳﮯ ﺛﺎﺑﺖ ﻧﮩﯿﮟ ، ﻟﮩٰﺬﺍ ﺍﺱ ﻣﻌﺎﻣﻠﮯ ﻣﯿﮟ ﺳﻼﻣﺘﯽ ﮐﯽ ﺭﺍﮦ ﯾﮩﯽ ﮨﮯ ﮐﮧ ﺳﮑﻮﺕ ﺍﺧﺘﯿﺎﺭ ﮐﯿﺎ ﺟﺎﺋﮯ ﺍﻭﺭ ﺍﺳﺮﺍﺋﯿﻠﯽ ﺭﻭﺍﯾﺎﺕ ﮐﮯ ﺳﻠﺴﻠﮯ ﻣﯿﮟ ﺍٓﻧﺤﻀﺮﺕﷺ ﮐﯽ ﺗﻌﻠﯿﻢ ﭘﺮ ﻋﻤﻞ ﮐﯿﺎ ﺟﺎﺋﮯ ﮐﮧ ’’ ﻧﮧ ﺍُﻥ ﮐﯽ ﺗﺼﺪﯾﻖ ﮐﺮﻭ، ﻧﮧ ﺗﮑﺬﯾﺐ۔ ‘‘ ‏( ﻣﻌﺎﺭﻑ ﺍﻟﻘﺮﺍٓﻥ، ﺝ 7 ، ﺹ 472 ‏